蒲東小館 (彌敦道) (已結業)

店舖门口细细，绝不起眼，但室内环境不错，有唔少kart位，真心觉得坐得几舒服。员工服务态度本来一般，无乜表情同埋好似要好快完成个叫餐程序咁，但当我同佢地讲冷气太大，佢地会帮忙调节，又几窝心的。重点始终系食物，我地叫左两个午餐，每个餐包一个前菜小食，一个主菜同埋一杯饮品，仲可以额外加钱去加一个小食，价钱大约60至80蚊左右，咁既价钱都几抵食。我地叫左： 小笼饱 （两件）、 蒜泥白肉、 蒲东小馆炒饭、 红油抄手捞面、追加鸡丝粉皮同埋锅贴（两件）可惜，厨师推介既蒲东小馆炒饭同红油抄手捞面系无味道既，红油抄手捞面得个辣，应该无落盐，好难食。锅贴个皮太厚又无肉汗，食左一啖就放底。蒜泥白肉，卖相话我知，同我食开既蒜泥白肉完全唔同，佢地既猪肉有啲似肉片炒河果啲猪肉，我未见过用呢个位既猪肉做蒜泥白肉，当然，蒜泥又太小，唉！小笼饱同埋鸡丝粉皮，算系比较稳阵啲既食物。洗手间要攞锁匙上一层，有啲麻烦，洗手间仲要好细同埋有啲污秽。