屯門咖喱屋

营业中

休息中

作为屯门牛，基本上都一定听过屯门咖哩屋，个个食过都话好食，今日终于有机会试下。8点左右嚟到，可能地点唔算就脚，所以人数唔多，都有一两张吉枱。第一次嚟食，梗系想尽量试多d野食，咁啱佢哋有个精选晚餐，乜都有，有小食、烤鸡、咖哩、烤饼、饭，仲有野饮，胃口细d一定食唔晒。小食系一落order就有，系炸薯仔球，点d辣酱食几开胃。之后系烤鸡，铁板热住上，少少香料味，系略嫌干左d 。跟住系咖哩牛腩，超林超入味，咖哩入面放左番茄，少少酸辣，劲好味，果然系调教过，啱香港人口味！最后系印度烤饼，好香ge油骚味，点咖哩食一流！依间餐厅仲有拉茶出名，不过因为套餐太大份，食完都已经饱到上心口，所以冇试到，下次一定要试埋。