影片
更多
2022-04-19
254 浏览
湾仔既板神分店我终于有机会食啦！佢差唔多每一间舖头我都帮衬过，因为我觉得呢一间餐厅好有水准，而且装修高级，嘢食有质素，所以我会去佢唔同嘅分店试。今日同朋友一齐食极上 •席前铁板烧套餐，呢个套餐非常之丰富，有钱菜、海鲜、带子、鹅肝、野菜、仲有送一只澳洲鲍鱼，最后总会有啲炒饭甜品等等，包罗万有😍😍首先嚟咗前菜三点分别有萤光鱿鱼🦑▶️水云▶️高糖番茄🍅，摆盘精致又好味😋之后就有蟹棒沙律🥗用嚟开胃❤️饮啖茶清一清喉咙，就食刺身啦！刺身有三款：深海池鱼、间八鱼、赤身，师傅建议由白鱼开始食，味道由淡到浓。新鲜之选！本日海鲜：牛油果蟹肉三文鱼子他他😍配搭脆饼，口味唔错呀！带子加上牛油同鱼子，非常香口！呢个套餐仲会送澳洲鲍鱼或者澳洲龙虾，我拣咗澳洲鲍鱼，劲大只只鲍鱼！！系非常新鲜嘅鲍鱼，喺铁板烧嘅时候仲会郁吓郁吓，望到都有少少唔忍心🥺师傅话我哋知鲍鱼中间位会林少少，容易咬，可以先原汁原味咁样食之后先再点酱汁；鲍鱼边位，海水味重少少，爽口啲。味道口感非常唔错👍👍之后就整法国鹅肝，好肥美呀，鹅肝既油脂齿颊留香🤤🤤夹住细细个包食可以减低油腻感，真系好正！！呢一款法国鹅肝真系令人地回味无穷。食完鹅肝我哋就食牛肉、季
今日同朋友一齐食极上 •席前铁板烧套餐，呢个套餐非常之丰富，有钱菜、海鲜、带子、鹅肝、野菜、仲有送一只澳洲鲍鱼，最后总会有啲炒饭甜品等等，包罗万有😍😍
首先嚟咗前菜三点分别有萤光鱿鱼🦑▶️水云▶️高糖番茄🍅，摆盘精致又好味😋
之后就有蟹棒沙律🥗用嚟开胃❤️
饮啖茶清一清喉咙，就食刺身啦！刺身有三款：深海池鱼、间八鱼、赤身，师傅建议由白鱼开始食，味道由淡到浓。新鲜之选！
本日海鲜：牛油果蟹肉三文鱼子他他😍配搭脆饼，口味唔错呀！
带子加上牛油同鱼子，非常香口！
呢个套餐仲会送澳洲鲍鱼或者澳洲龙虾，我拣咗澳洲鲍鱼，劲大只只鲍鱼！！系非常新鲜嘅鲍鱼，喺铁板烧嘅时候仲会郁吓郁吓，望到都有少少唔忍心🥺师傅话我哋知鲍鱼中间位会林少少，容易咬，可以先原汁原味咁样食之后先再点酱汁；鲍鱼边位，海水味重少少，爽口啲。味道口感非常唔错👍👍
之后就整法国鹅肝，好肥美呀，鹅肝既油脂齿颊留香🤤🤤夹住细细个包食可以减低油腻感，真系好正！！呢一款法国鹅肝真系令人地回味无穷。
食完鹅肝我哋就食牛肉、季节野菜多士，呢款菜式别出心裁，师傅将薄切牛肉加上葱花调味煎煮，令牛肉嘅味道升华，多士又可以吸收牛肉多余嘅油份，正！野菜有芦笋、粟米芯同菇，甜甜的，可以同牛肉嘅味道相辅相成🤤😍
唔好以为呢个套餐就咁完啦，仲有和牛炒饭、渍物、面豉汤，丰富到不得了！包你可以捧住个肚走😂😂
最后以美味嘅黄豆味同埋绿茶味嘅蕨饼画上完美既句号。我真系觉得好满足！同时我个肚亦都感到好幸福☺️😂
张贴
