高流灣海鮮火鍋 (已搬遷) 新店位置

最近天气开始转凉,一谂到食乜就即刻谂起打边炉。本来谂住去金牌火锅O既,点知7点几光到个资客就话已经FULL到9点㖞...见佢地做到咁串,听同事讲话附近山林道果间高流湾打边炉都一样几出名,咁咪决定去试下啰!一去到就见到佢地老板系门口落手落脚帮手,而且一去到就有位,上到楼上人都差不多坐满,侍应有4~5个唔算多,但反应唔错!但系就HARD SALE左o的啰,櫈都未坐热就狂sale我地食贵海鲜...最后我地三个人叫左海底椰汤底,手切肥牛,羊肉,猪润,招牌鲜尤丸,脆肉鲩鱼片,皇帝菜,圣子皇x3,王老吉x3食物都几新鲜,圣子都好大只,不过熟左就缩水啰!反而最想同大家推介o既系个招牌丸啰,因为平时对丸类不大感兴趣o既我,总觉得o的丸由食材至调味制作都唔系太新鲜咁,但系哩一个丸反而令我改观呀!一咬落去已经食唔出佢系丸啦，因为啖啖鲜尤鱼肉，而且丸里面加左蟹籽，令口感升华！最难忘都系哩个招牌丸呀！