Burgeroom (Fashion Walk)

营业中

休息中

同朋友系铜锣湾玩到夜晚十点几，但就未食晚饭，好多食肆都已经闩晒门，咁就上网揾一揾睇下有咩好食。见burgeroom 开到好夜，又有咁多正评，所以就黎试下。行到百德新街转入黎，已经见到burgeroom, 因为佢地店外面亦都有座位，好抢眼，个感觉好岩一大班人倾计，食下野既地方。好彩夜晚十点几已经唔洗排队，咁我地因为觉得外面好热，所以选择左坐室内。其实各种类既汉堡都有，应该迎合晒好多人既口味，而且Menu 内竟然有鹅肝汉堡，但我同朋友都无乜兴趣，所以就点左蜜糖芥末烟肉牛肉汉堡同埋牛油果酱芝士牛肉汉堡。Burgeroom 系需要自己出去买餐，然后等人送餐既。蜜糖芥末烟肉牛肉汉堡呢个汉堡非常惹味！由于好大个，一口系咬唔晒。而且佢既酱系劲多，劲岩我呢d 钟意重口味既人。佢块牛肉好厚，呢个新包值得推荐。牛油果酱芝士牛肉汉堡个人觉得牛油果酱味道唔算太出，俾芝士味同牛肉味抢晒。蜜桃冰茶不过不失总结，会同朋友再黎，因为环境同食物水准都算水准之上。