影片
更多
2004-07-21
6 浏览
前日睇报纸介绍我地头大埔一间意大利餐厅, 大大只字介绍烩牛膝, 我朋友好想试于是就带佢去啦: ) 基本上我系甚少在大埔食肆食饭的.....查查地址, 原来系位于大埔海宝花园, 以前Better Ole 个旧址, 装修跟以前Better Ole 分别不大, 其实Better Ole 在大埔都算几好食既一间西餐厅, 唔知点解会转o左呢间意大利菜, 不过都有过之而无不及既感觉: )两个人叫了两个starters - 哈蜜瓜风腿和意式酿野菌, 唔差㖞; 两个main courses, 当然唔少得试烩牛膝($148), 另点了鹅肝牛柳($168), 都系水准之作, 真系唔多相信大埔有间咁pro 既餐厅, 而且大件夹抵食添!!! 烩牛膝可以话系招牌菜, 佢做到真系o岩o岩好, 唔系太烂, 筋部位置唔太硬又唔太lum, portion 又大, 两个人都食唔晒, 配菜都好丰富, 味道一流呀!!! 鹅肝好食过岳飞餐厅, 不过好似细块O左D, 牛柳order medium, 不过好似熟o左少少, 但都可以...最后点了两款甜品, warm chocolate pudding & 意大利千层酥, 个pu
查查地址, 原来系位于大埔海宝花园, 以前Better Ole 个旧址, 装修跟以前Better Ole 分别不大, 其实Better Ole 在大埔都算几好食既一间西餐厅, 唔知点解会转o左呢间意大利菜, 不过都有过之而无不及既感觉: )
两个人叫了两个starters - 哈蜜瓜风腿和意式酿野菌, 唔差㖞; 两个main courses, 当然唔少得试烩牛膝($148), 另点了鹅肝牛柳($168), 都系水准之作, 真系唔多相信大埔有间咁pro 既餐厅, 而且大件夹抵食添!!! 烩牛膝可以话系招牌菜, 佢做到真系o岩o岩好, 唔系太烂, 筋部位置唔太硬又唔太lum, portion 又大, 两个人都食唔晒, 配菜都好丰富, 味道一流呀!!! 鹅肝好食过岳飞餐厅, 不过好似细块O左D, 牛柳order medium, 不过好似熟o左少少, 但都可以...
最后点了两款甜品, warm chocolate pudding & 意大利千层酥, 个pudding 一早焗定所以好少朱古力酱流出来, 同埋摊冻o左, 唔新鲜; 千层酥既吉士酱加了杏仁味, 我本人麻麻, 但个酥皮都算可以啦, 无肚食甜品都唔算损失既!
有待改善系服务质素, 做得咁专既意大利餐厅应该要求服务有番咁上下水准, 唔明点解无得订位, 当我打去订位时个女侍应既态度有点问题, 佢话无订位服务系因为对顾客fair d, 免得有人打到电话订好又唔黎啰啰啰啰啰, (咁其实唔可以留电话re-confirm o架咩??), 如果o向得大埔开得间咁上下既意大利菜, 又有人真系特登入大埔试你间餐厅, 无位的话叫人点算好呀? 相信识食既人, 要求一间餐厅唔止食物水准高, 服务都系相当重要, 如果服务差点叫人再黎帮衬呢??!!
张贴