影片
更多
2012-12-26
2698 浏览
仲以为11月之星寿宴要等到12月先有得食添, 点知... 朋友J朝早只系问一问大家边日方便, 居然即晚齐人出席贺寿, 又会快到咁嘅?!! 原来食饭真系要讲即兴!!!有网民提过呢间三木嘅Minimum Charge同交枱时限系海鲜价, 咁神奇?!! 今晚一试, 果然海鲜!!!Book咗7点, 朋友E 6点半已到, 职员好唔客气咁话要人齐先入得, 又叫佢自己入去揾吓我地到咗未, 又话我地冇Book位, 之后都冇人理佢... 到我来到时, 职员又话唔人齐入都得, 不过烧烤个半钟交枱, 唔烧烤1个钟交枱... 结果出奇地, 我地未够7点已经齐人, 准时到呢... 劲!!! 其实餐厅入面得1-2枱客, 都唔明, 早少少放我地入去会蚀咩... 环境都几新净光猛... 我地呢张系6人卡位, 5个人都坐得几舒服...我地呢班饿鬼疯狂落单之后, 又冇咗Minimum Charge同埋交枱时限啦㖞, 仲唔系海鲜价?!! 即系话, 人均消费够高就可以食耐d, 人均消费唔够高就要限呢样限果样...前菜 -- 有8碟之多, 碟碟都几有水准... 面豉薯仔又香又甜又粉, 最好食... 麻辣蒟蒻好特别, 第一次食,
有网民提过呢间三木嘅Minimum Charge同交枱时限系海鲜价, 咁神奇?!! 今晚一试, 果然海鲜!!!
Book咗7点, 朋友E 6点半已到, 职员好唔客气咁话要人齐先入得, 又叫佢自己入去揾吓我地到咗未, 又话我地冇Book位, 之后都冇人理佢... 到我来到时, 职员又话唔人齐入都得, 不过烧烤个半钟交枱, 唔烧烤1个钟交枱... 结果出奇地, 我地未够7点已经齐人, 准时到呢... 劲!!!
其实餐厅入面得1-2枱客, 都唔明, 早少少放我地入去会蚀咩... 环境都几新净光猛... 我地呢张系6人卡位, 5个人都坐得几舒服...我地呢班饿鬼疯狂落单之后, 又冇咗Minimum Charge同埋交枱时限啦㖞, 仲唔系海鲜价?!! 即系话, 人均消费够高就可以食耐d, 人均消费唔够高就要限呢样限果样...
前菜 -- 有8碟之多, 碟碟都几有水准... 面豉薯仔又香又甜又粉, 最好食... 麻辣蒟蒻好特别, 第一次食, QQ弹牙, 麻香带辣... 煎饼同炒粉丝都系高成本之作, 现在已很少有...
烤什锦牛肉 $420-- 烤什锦牛肉包括牛肋骨肉、薄切西冷、牛舌... 牛肋骨肉质柔软, 腌料微甜, 未有掩盖牛肉的鲜, 肉汁多d会更好... 牛舌爽弹... 薄切西冷没有牛肋骨的甜, 但牛味亦浓... 整体都算唔错, 不过大家都系觉得X松嘅牛肋骨好味d...
因上菜速度奇快, 我地顾住食前菜, 炒粉丝、炒年糕、煎泡菜饼一涌而上, 顾得熟嘅又顾唔到生嘅, 所以服务员剪完牛肋骨肉就顺手帮我地放落个炉度烤, 真系唔该晒... 食到呢度, 大家都醒起系X城果次比阿珠妈闹嘅事件...
嘻嘻... 唔知点解, 今餐我又唔系寿星, 居然可以食到残废餐, 朋友J, 辛苦晒~
韩式炒粉丝 $120-- 味道都唔错, 炒得好香, 味道好均匀, 好多牛肉, 好足料...
炒年糕 $120-- 冇被汁浸住的年糕微辣, 浸住的好辣, 朋友N以为系茄汁, 大大啖咁食, 大叫好辣, 哈哈... 年糕软腍不弹牙, 但系口感都OK嘅... 好钟意豆腐皮, 大大片, 几有咬口...
煎泡菜饼 $100-- 张枱已经摆到满晒, 1个服务员仲帮我地烤紧肉, 另1个服务员建议帮我地系第2张枱分好个煎泡菜饼, 所以未有影到全相... 煎饼又香又薄又脆, 泡菜好冶味, 蘸少少辣椒豉油, 好味呀!!!
煎泡菜饼嘅颜色之所以咁奇怪, 系拜窗外面嘅霓虹灯招牌所赐...
海鲜煎葱饼 $100-- 食完煎泡菜饼, 一向练仙嘅朋友N居然话要叫多1个煎饼, 哗, 真系估你唔到... 结果我地又叫多1个海鲜煎饼, 呢个厚身d, 腍d, 有d腥, 冇鲜味... 我钟意煎泡菜饼多d...
辣海鲜锅 $380 -- 哗!!! 好大条八爪鱼呀!!! 唔知边个问个服务员, 条八爪鱼唔郁嘅?!! 见到服务员想笑又唔敢笑, 答佢话"系呀, 我地呢度d八爪鱼系唔郁o架", 我笑咗啰...
朋友D惊我唔受得辣, 所以要求辣酱另上, Thank you呀!!! 未落辣酱前, 饮咗啖汤, 超鲜甜呀, 仲好重蟹味, 好正!!! 反而加咗辣酱之后, 剩系得个辣字, 失色好多...
感谢朋友J主动帮我夹起只八爪鱼比我影相... 亦感谢朋友D主动帮我夹起片烤肉比我影相... 有你地嘅支持, 我可以影得更轻松啦...
个锅入面有好多材料, 除咗八爪鱼, 仲有虾、带子、鱿鱼、鱼、蟹、豆腐、金菇、葱、黄芽白, 好丰富!!! 蟹肉好霉, 蟹身黑忟忟... 豆腐唔滑... 带子缩水后好细粒... 鱿鱼鲜味弹牙...后面张枱全程超嘈, 嘈到卡位块木板都震埋, 全场至嘈, 我地好大声咁讲o野都听唔到, 喉咙都痛埋, 根本倾唔到计!!!
食完冇糖水/茶送, 冇生果送, 冇香口胶/香口珠送, 百无!!! 唯有转场去The One食乳酪, 先可以真真正正倾一阵计...
5个人埋单唔使千五蚊, 比想像中抵食, 味道中上, 服务系入席前差d, 之后都几OK, 座位都相当舒适, 系嘈d啰... 韩国菜o黎讲, 都系一个唔错嘅选择...
张贴
