百味鮮辣蟹專門店 (已結業)

朋友聚会，叫我带佢地食D正野，揾嘢食最紧要识得捐窿捐罅，所以我订左呢度，之前朋友都话过呢到d海鲜够新鲜，结果无令我地失望，个个都好满意。见平日都咁满座，就知有水准。成日都出街食，所以中式炖汤就最啱我地，虫草花炖鸡汤，朋友们见到都好开心。汤一大煲足以六人分，汤料好丰富，饮落好入味，好鲜甜，番饮两碗都得。推介！！蒸马友，好大条，好厚肉又少骨，又唔腥，好多骨胶原，呢条鱼做得好好，好味道！！识食蟹，梗系拣用避风塘炒啦！！好厚肉，份量足，啖啖肉，好味！！ 避风塘嘅蒜茸辣椒非常惹味，非常好𩠌饭，最后俾我哋当零食咁样食， 送饭配酒一流。苹果牛柳粒，闻到已经口水流，牛柳软硬适中，好开胃。炒豆苗，煮得好爽口，外表翠绿，咬落新鲜爽脆，正！！呢度果然真材实料，价钱公道，食物质素高，非常满足嘅一餐。