倫敦大酒樓

营业中

休息中

旺角伦敦大酒楼真系有一份怀旧嘅味道，最特别嘅系佢哋仲保留咗点心车，点心车将一笼笼热辣辣嘅点心送到你面前。今次我拎咗金钱肚、牛肉肠粉、咸水角同埋必叫既虾饺同烧卖，每样都做得非常之有水准。金钱肚相当入味，质感软腍之余唔会太淋，赵落口感啱啱好，非常满意。肠粉系系我近一年食过最好味既肠粉，口感非常滑身，亦好想米味，牛肉馅嘅味道鲜美，加埋𠮶阵茜味，真系好出色。至于烧卖同虾饺就系点心嘅经典之作，虾饺皮够薄，虾够爽口弹牙，烧卖啲猪肉味道浓郁，每一啖都几饱满，真系唔会失望。整体嚟讲，呢间酒楼嘅点心唔单止味道唔错，最特别嘅系𠮶份怀旧情怀。旧式推车喺现今社会已经唔多见，想重温呢种经典饮茶体验，旺角伦敦大酒楼绝对系一个好选择。