影片
更多
2009-07-28
11 浏览
上星期同五位朋友一行六人想去打边边, 其中一位朋友介绍呢间, 咁就o系星期四打去订八点六位, o个阵接线o个位叫我地可以预早少少, 安排个好d 既位比我地, 到星期五晏昼, 收到佢地电话, 用麻麻地既语气突然话八点已经full 左, 要改八点半先有位 (明明我地之前book 左), 我地都算, 殊不知....1. 我地准时八点五度去到, 个知客叫我地等一等...中途不断有d 疑似熟客既人黎(我见到个知客可迅速直呼佢地咩生咩太), 佢地被安排入坐既时间比我地快得多, 见住五六七八张咁样过左, 我地都keep 住问到我地未, 个知客就一味话一有位就比我地, 我地话我地系book 左八点半, 佢就话"o系电话度系话最快八点半有位, 唔一定八点半比到位", 如果系咁, 即系唔系订位啦....我地见难得一班人约左, 就照等, 如是者, 我地等左成个钟!!2. 大概九点钟左松d, 又有疑似熟客既乜生黎话订左九点四位, 到九点四五左右, 我地入左去巡视一圈, 见到有一张六人台埋左单, 心谂一定系我地架啦, 点知个知客安排左个位比个四个人, 我地即刻系咁嘈啦, 明明系六人台, 又系我地订先, 竟然比左
1. 我地准时八点五度去到, 个知客叫我地等一等...中途不断有d 疑似熟客既人黎(我见到个知客可迅速直呼佢地咩生咩太), 佢地被安排入坐既时间比我地快得多, 见住五六七八张咁样过左, 我地都keep 住问到我地未, 个知客就一味话一有位就比我地, 我地话我地系book 左八点半, 佢就话"o系电话度系话最快八点半有位, 唔一定八点半比到位", 如果系咁, 即系唔系订位啦....我地见难得一班人约左, 就照等, 如是者, 我地等左成个钟!!
2. 大概九点钟左松d, 又有疑似熟客既乜生黎话订左九点四位, 到九点四五左右, 我地入左去巡视一圈, 见到有一张六人台埋左单, 心谂一定系我地架啦, 点知个知客安排左个位比个四个人, 我地即刻系咁嘈啦, 明明系六人台, 又系我地订先, 竟然比左佢地, 跟住个知客话有一张更大既台埋左单, 会安排比我地, 等我地坐得舒服d....我地又再等多个几两个字, 终于被安排入座....哗, 唔该晒呀, 佢安排左张十二个人既台比我地六个人打边炉啰!~系人都知打边炉不能坐得太散, 我地六个人都唔知点坐先可以用一个炉而每人都夹到野食, 又要倾到计啰, 最初我地要坐到好似拍紧电视剧咁坐晒O系一边, 但发觉唔系办法, 结果, 我地再次要求换位, d 侍应又叫我地等, 今次我地冇咁傻, 有d 火咁话又等, 唔知等到几时......结果我地坐住等, 又等左一阵先换到张"十人台"!!
3. 由于我地点得菜加上得菜都已经成九点几十点, 我地落左单冇几耐, 就已经话呢样冇, o个样卖晒, 简单如粟米同油麦菜都sold out......
4. 听闻出名既系牛柳粒, 成百蚊碟都有点黎试下, 个侍应教我地一开始就放晒落锅, 拾几耐都冇问题, 越耐越入味, 结果我地等左一阵捞黎食, 发现其靱无比, 系有d 肉味既, 但好似肥牛好味d!
5. 到埋单都仍然比到惊喜我地, 一睇张单, 有一项系要六百蚊既, 就系斤几重既一只象拔蚌, 出奇地贵, 呢个系我地唔谨慎既, 应该点前问定价, 原来要成廿蚊一两, 估佢唔到, 劝大家如果真系去试, 点任何海鲜类都要问定价, 以免有同一遭遇.....另一个surprise 系西瓜汁, 要成八十蚊一渣, 贵到离谱.......
我地成班去完之后分别有以下感想:
a. 订位制度形同虚设, 建议想去食既朋友先同知客打好关系
b. 就算真系出于好心比张大台我地, 都可以先问我地介唔介意六个人坐张"六个人既细台"啰~可见知客经验及服务一般
c. 食物存货有问题, 平价类食品于九点几十点已卖晒 (o个日系星期五晚)
d. 价钱惊人, 建议各位每点一项食物或饮品都先睇清楚价钱
总括而言, 虽然我地每人都只系比左二百几蚊, 人均消费好似唔多, 但其实撇除一只六百蚊象拔蚌, 一渣八十蚊西瓜汁同百几蚊既牛柳粒, 我地只系叫左一个菜, 一碟乌冬同一碟牛脷, 我相信o个餐应该冇人食得饱同满足...未食完我地都准备有下场食甜品....
大家如果揾地方打边炉, 我相信香港, 或者系佐敦区, 都肯定有好多比呢间好既选择, 今次打呢篇食评系想比d意见大家, 以免食到一肚气!!
张贴