影片
更多
2023-01-28
1662 浏览
今日年初四💮同屋企人去完慈山寺就落返大埔饮茶，见到呢间酒楼，就决定饮佢啦！😆新年又系公众假期 都预左要等位。见到💁🏻短发知客好忙，又要接电话📞又要安排位置，我见到佢讲紧电话，做左个手势表示6人想攞飞，佢无理我，咁我就都等佢讲埋先啦，点知一收线，佢就好大声好嫌弃咁😠望住我讲「你等阵先啦」咁我都理解嘅，红日系忙啲，等左一阵佢俾咗张飞我，C31 ，我望一望萤光幕C24，即系等7张枱，都唔错丫！咁我就行出去门外等。等左大约20分钟，我行入去睇下萤光幕叫到几多号，一望😳C21 ????? 点解？我行去问下，但短发知客就似有还无咁讲左d野，但又无答到我，总之就叫我等下。后来，又等左大约20分钟，我见萤光幕叫飞叫到C29。满心欢喜就到我哋啦！但点知隔离一对夫妇话C27知客拎左佢张飞都无俾枱佢，喺度空等😑 话个知客乱俾位，有人派利是🧧个知客就俾位佢先。忽然之间，呢个时候，知客叫A33飞，就安排左两个人入去，但此时萤光幕系显示为A31 ，一位女士就问点解佢A32都未安排位置，就安排俾A33，但明明屏幕显示又未到A33，而家从未有人叫A32。短发知客解释唔到，就发烂渣😡大声喝个女士话「你唔明，你可能mis
新年又系公众假期 都预左要等位。见到💁🏻短发知客好忙，又要接电话📞又要安排位置，我见到佢讲紧电话，做左个手势表示6人想攞飞，佢无理我，咁我就都等佢讲埋先啦，点知一收线，佢就好大声好嫌弃咁😠望住我讲「你等阵先啦」咁我都理解嘅，红日系忙啲，等左一阵佢俾咗张飞我，C31 ，我望一望萤光幕C24，即系等7张枱，都唔错丫！咁我就行出去门外等。
等左大约20分钟，我行入去睇下萤光幕叫到几多号，一望😳C21 ????? 点解？我行去问下，但短发知客就似有还无咁讲左d野，但又无答到我，总之就叫我等下。
后来，又等左大约20分钟，我见萤光幕叫飞叫到C29。满心欢喜就到我哋啦！但点知隔离一对夫妇话C27知客拎左佢张飞都无俾枱佢，喺度空等😑 话个知客乱俾位，有人派利是🧧个知客就俾位佢先。忽然之间，呢个时候，知客叫A33飞，就安排左两个人入去，但此时萤光幕系显示为A31 ，一位女士就问点解佢A32都未安排位置，就安排俾A33，但明明屏幕显示又未到A33，而家从未有人叫A32。短发知客解释唔到，就发烂渣😡大声喝个女士话「你唔明，你可能miss左，你知唔知红日返工我哋服务业好辛苦」女士好有礼貌地回应，我唔系想同你嘈交，如果你安排上有错误，唔紧要，你下张补返俾我。呢个时候C29个对夫妇都忍唔住开声，佢安排不当，随个人喜好去安排位置，熟客就入先，生客就等下。 我喺呢个时候都问，咁其实系点安排。之后佢唔想理我哋，就话你哋上去啦上去啦。
上到茶楼，非常逼夹，枱与枱之间系无乜空间，侍应俾左新碗筷俾我哋！实在系太出色，十分之污糟，有污迹，有食物残渣，非常呕心。但由于好少嚟呢区，又等左50分钟，老人家已经非常肚饿，所以都照食。
呢张纸系黐实咗喺只碗入面。
茶壶污糟都算啦。。。
呢只碟上面系有污迹，系摸得到睇得到，又油又凸出来，真系好呕心🤮
食物出得好快，但质素同味道都系有史以来最差。虾饺点解未食就烂，爆哂皮？
问侍应有冇辣椒酱，俾左一碟仔我哋！我用嚟点左虾饺Oh My F***ing God!! 又辣又酸又涩，再三同家人确认，系坏左！咁都可以俾客食？
仲有牛肚系臭架，太激气无影到相。一系就无洗干净，一系就系坏，放咗入口都要呕返出嚟。
最后，总结:
环境 6 / 10
服务 3/ 10
食物 4 / 10
价钱 5 / 10
另外想特别为短发知客打个0分。估唔到Open Rice 有两篇食评都系为你而打。
张贴
