一起果醬 (已結業)

平时收工都会经过山林道，今日知道六合彩有巨额奖金，就顺便买一注碰下运气，就发现左呢间自家手作果酱餐厅。奖金未必有就食餐好嘅补数。田园沙律配热情果油醋汁。沙律菜都系𠮶啲，但佢个果醋真系无得弹，酸甜度足够平衡，用上热情果酱提味，令到香味更出更开胃。忌廉杂菌汤。味道都好香，奶滑得黎够味道。唔错。蒜辣红虾意粉。虽然叫做蒜辣意粉，但辣味唔会太呛。蒜味好香浓加上少少辛口嘅红辣椒味，食落好过瘾。而本身系以茄酱做底味，令到整体感觉好清爽。红虾好大只而且厚肉，一碟有四只真系不可多得同豪气，因为平时出面食都只系两只，以尖沙咀物价黎讲，真系良心。法式油封鸭脾伴紫薯泥配丁香橙酱。鸭脾通常感觉都会好肥腻，而且会有一股鸭鹅特有嘅膻油味，但呢道菜一啲都唔油而且鸭肉膻味全无。鸭脾经过长时间燘煮，令肌肉纤维变得非常松化，轻轻用叉一拨就拆到啲肉了。酱汁配上香橙酱系鸭肉嘅最佳配搭，因为橙嘅配味同香味配合上黎有啲中式陈皮嘅效果，所以入口一啲都无违和感。更可做到解油腻嘅效果。红豆冰。红豆煮得够腍，食落好糯软。整体唔算太甜，但味道相比奶昔嘅话就输左少少了。果酱奶昔-热带风情。饮落好清新，入面应该沟左香蕉菠萝同橙。所以入口偏甜同奶