一起果醬 (已搬遷) 新店位置

天阴阴，又怕落雨，取消本来既单车之旅，改为去行下、食下野。其实西贡有好多好好既cafe未试哂，今次拣左一起果酱。呢度既果酱系自家制，有好多款都系出面冇架。店外装修有好悠闲既感觉，餐牌写得几靓喔！我拣左玫瑰苹果茶，都系自家制，感觉好滋阴好健康，而且好饮。睇餐牌第一个系all day breakfast，当然要试试！其实食左好多间all day breakfast后开始有啲热情减退，因为食材都系大同小异，不过整体呢度每一样食物都做得唔错。多士我转左scone，我觉得焗得太硬。可能啲果酱系天然，冇加人工糖胶，所以稀左啲，不过桂花味好出，好香甜。egg benedict几好味，荷兰酱同烟三文鱼几夹奇怪位系佢用既碟有窿，啲酱系咁漏落枱，卖相方面要改善喔！整体来讲呢度既野几好食，感觉到此店既用心，好推介大家去试！