豪宴海鮮酒家

营业中

休息中

晚上与家人到豪宴食饭，刚坐低冇耐，就见到水壶上有只手指甲咁大既曱甴系水壶口爬出。即时同职员讲，咁岩只曱甴已爬左落枱，职员只系施施然拎走个水壶。然后我地已经不停话要换枱，因为只曱甴爬左落枱底，我地好惊。但d职员完全冇理，我地已经企埋起身，好多职员都唔理我地！最后要我地再捉住一个职员讲我地要换枱，佢先换比我地！当时个场有超过一半空位，d职员亦好得闲围埋一齐倾计，我地亦未开始食，所以换位完全唔系好麻烦佢地，佢地既处理手法真系差到冇野好讲！嬲到我当时几惊都好，都要影张曱甴相！其实我明白食店有曱甴好正常，佢地都阻止唔到，但佢地既处理方法真系令我好嬲！如果唔系约左好多亲戚一齐食饭，一定唔会再留低食！