影片
更多
2010-07-21
65 浏览
上星期三师傅再次同好友食家"乜都放入窿"饭局, 由于事前好友食家"乜都放入窿"已问师傅食咩, 而师傅就话呢间食店好友食家"乜都放入窿"就赞左好多次, 奈何师傅仍未有机会一试, 于是就约定当天饭局就黎呢间食店!两位食家大约六点半就喺老尖集合后, 齐齐边倾边行, 去到食店前再望入去, 里面食客真的不少, 而当时都未够七点, 可想而知呢间食店有几架势; 幸好入到去都仲有位, 两位食家坐底后, 就开始度下食咩好; 师傅由于未黎过, 所以点菜责任就由好友食家"乜都放入窿"全权负责! 最后柯打左羊肉卡巴, 芝士薯条同埋虾炒饭, 饮品师傅就要杧果奶昔, 而好友食家"乜都放入窿"就要咸奶昔! 师傅见而好友食家"乜都放入窿"柯打左三样野食, 到底够唔够架, 不过唔紧要, 唔够最多加单, 好过食唔晒! 于是等左一阵, 两杯奶昔率先登场, 师傅当然要试下杧果奶昔, 杧果奶昔嘅杧果够香, 而味道唔会太甜, 奶昔入口唔黏口, 饮完后个口感依然好舒服, 真系十分可口, 净系呢杯杧果奶昔都真系唔少野, 有水准!叹过奶昔后, 第一系登场嘅食物系芝士薯条, 当芝士薯条一放底后, 个伙计就话呢份芝士薯条最好喺两分半之内食
两位食家大约六点半就喺老尖集合后, 齐齐边倾边行, 去到食店前再望入去, 里面食客真的不少, 而当时都未够七点, 可想而知呢间食店有几架势; 幸好入到去都仲有位, 两位食家坐底后, 就开始度下食咩好; 师傅由于未黎过, 所以点菜责任就由好友食家"乜都放入窿"全权负责!
最后柯打左羊肉卡巴, 芝士薯条同埋虾炒饭, 饮品师傅就要杧果奶昔, 而好友食家"乜都放入窿"就要咸奶昔! 师傅见而好友食家"乜都放入窿"柯打左三样野食, 到底够唔够架, 不过唔紧要, 唔够最多加单, 好过食唔晒! 于是等左一阵, 两杯奶昔率先登场, 师傅当然要试下杧果奶昔, 杧果奶昔嘅杧果够香, 而味道唔会太甜, 奶昔入口唔黏口, 饮完后个口感依然好舒服, 真系十分可口, 净系呢杯杧果奶昔都真系唔少野, 有水准!
叹过奶昔后, 第一系登场嘅食物系芝士薯条, 当芝士薯条一放底后, 个伙计就话呢份芝士薯条最好喺两分半之内食晒, 就系最好味; 当下感觉令师傅觉得十分窝心, 连食嘅过程时间都照顾到, 于是立即同好友食家"乜都放入窿"开餐; 芝士薯条嘅芝士十分之香, 但味道唔太浓, 而且入口唔腻, 唔会话食左两件就开始唔想食, 加上薯条嘅薯味甚香, 最特别系吞下薯条后, 会有少少辣味由喉咙涌上黎, 呢个感觉系十分之顶瘾, 令师傅有欲罢不能嘅感觉! 最后虽然未能于两分半完成, 但亦无损芝士薯条嘅风味, 绝对系必食推介!
而羊肉卡巴同虾炒饭就一齐登场, 于是就齐齐试下羊肉卡巴, 唔讲唔知, 原来好友食家"乜都放入窿"黎左咁多次但通常都系食鸡肉卡巴, 虽然师傅知道好友食家"乜都放入窿"系食羊肉, 但点解会冇食过羊肉卡巴呢? 莫非要同师傅一齐分享? 当师傅一试羊肉卡巴后, 感觉系一试难忘, 卡巴系用一块饼皮包住羊肉同埋酱汁烘焗而成, 入口后发觉羊肉十分松软, 而羊酥味亦非常酥香, 绝对唔韧, 真系好正呀, 钟意食羊嘅朋友千万唔好错过; 而酱汁带少少辣, 辣辣地就十分啱师傅胃口; 而外面嘅饼皮亦唔硬身, 配合埋羊肉同酱汁真的一绝; 呢个羊肉卡巴亦一定系必食推介!
至于虾炒饭相比下就略为失色, 但就真系略为, 虾炒饭系用印度嘅米炒成, 饭炒成一粒粒十分爽口, 有少少咖喱味, 香但唔辣, 而虾身真十分大只, 大只得黎仲要十分爽口, 整碟炒饭绝对唔错; 只可惜之前师傅食到更高水准嘅食物先会觉得略为失色!
总括黎讲食物水准绝对出色, 环境虽然细小, 但唔逼挟, 而服务友善, 就算食饱亦冇赶客嘅迹象, 价钱都接受到, 埋单二百五十几, 每人一旧水到, 绝对抵食! 食到一半师傅再望下门口, 发现又出现左一条小蛇饼, 呢间食店真系唔少料, 师傅试完后亦十分佩服; 离开食店再望下只表, 当时只不过系七点四十五分咋, 但师傅已经食到捧住个肚, 呢间架势堂真的做到快, 靓, 正! 师傅有机会一定会再黎, 笑脸必定要比!
张贴
