影片
更多
2022-12-18
6824 浏览
好多年前试过一次PLAYT 咖啡厅自助午餐，食物唔错不过价钱都贵。寻晚系柏宁酒店住左一晚，今日一早就试试呢度既自助早餐。一晚Deluxe房间包两位自助早餐，星期六入住价钱都要$1199加一。早餐时间为6点至10点半。呢度早餐系自助形式，一齐睇下有咩食啦！呢度个场都大，野食分开几区，8点半前人流唔多。西式食物有炸薯饼，茄汁豆，扒番茄，粟米，猪柳汉堡扒，鸡肉肠，烟肉，麦乐鸡，热香饼，系咪麦当劳个厨过咗黎？炸薯饼好好味，猪柳汉堡扒就麻麻地。奄列热辣辣煮起好好食，我叫左双份，不过太熟就唔好食。配料有芝士，烟肉，番茄，葱花，洋葱，蘑菇。亦可以叫炒鸡蛋。烚鸡蛋同煎鸡蛋就唔洗等。粉面档有3款面，得瑶柱上汤。配料有牛丸，韭菜水饺，豆卜，炸鱼角，芽菜，金菇，冬菇，生菜。牛丸同韭菜水饺都麻麻，蔬菜就唔错。冻盘有芝士拼盘配杏浦干车厘茄合桃提子饼干。芝士得硬芝士。合桃就唔错。面包糕点有多款，不过个样唔似好食。沙律有车厘茄，青瓜片，粟米，沙律杂菜，选择唔多。水果有西瓜，菠萝，哈密瓜，蜜瓜，原只水果如香蕉，橙，苹果。冻肉有3款火腿。谷物早餐4款，一款杂莓脆片有名贵少少杂莓干，配有果干同杏仁片。果汁奶类有番茄汁，西
早餐时间为6点至10点半。呢度早餐系自助形式，一齐睇下有咩食啦！
呢度个场都大，野食分开几区，8点半前人流唔多。
西式食物有炸薯饼，茄汁豆，扒番茄，粟米，猪柳汉堡扒，鸡肉肠，烟肉，麦乐鸡，热香饼，系咪麦当劳个厨过咗黎？
炸薯饼好好味，猪柳汉堡扒就麻麻地。
奄列热辣辣煮起好好食，我叫左双份，不过太熟就唔好食。配料有芝士，烟肉，番茄，葱花，洋葱，蘑菇。亦可以叫炒鸡蛋。烚鸡蛋同煎鸡蛋就唔洗等。
粉面档有3款面，得瑶柱上汤。配料有牛丸，韭菜水饺，豆卜，炸鱼角，芽菜，金菇，冬菇，生菜。牛丸同韭菜水饺都麻麻，蔬菜就唔错。
冻盘有芝士拼盘配杏浦干车厘茄合桃提子饼干。芝士得硬芝士。合桃就唔错。
面包糕点有多款，不过个样唔似好食。
沙律有车厘茄，青瓜片，粟米，沙律杂菜，选择唔多。
水果有西瓜，菠萝，哈密瓜，蜜瓜，原只水果如香蕉，橙，苹果。
冻肉有3款火腿。
谷物早餐4款，一款杂莓脆片有名贵少少杂莓干，配有果干同杏仁片。
果汁奶类有番茄汁，西柚汁，橙汁，豆奶，全脂奶。仲有几款口味独立包装雀巢乳酪。
中式食物较好既系有点心。虾肉烧卖算好唔错，唔会太实，而且有虾肉，虽然系虾仔，值得encore。叉烧包包偏多，不过都好松软。
点心
19 浏览
0 赞好
0 留言
炸馒头配炼奶当然好食。有两款粥，同麦皮。配炒面同娃娃菜。
每人一杯热饮，由服务员奉上。我地要热柠蜜。
总括而言，食物种类都算好少下，不过都有几类质素算唔差而可以食多d等你食饱饱既食物。座位同隔离枱都几近，环境麻麻地啦。正价$258一位应该好少人会比呢个价钱食。勉强比个OK。
张贴
