影片
更多
2016-06-05
2094 浏览
日菜对小弟而言，除咗品尝其味道，欣赏其做菜嘅细致，亦喺一个个学习嘅机会 。就如今晚一场怀石料理，无论选材、食物嘅卖相、味道，都喺令人难忘嘅体验，「柏屋」或许你唔太认识佢，但身负米芝莲三星嚟自大阪嘅佢，低调得紧要，却喺卧虎藏龙 。就连装修都贯彻其低调嘅作风，何解咁讲？要不是店长嘅介绍，真喺艺术盲嘅小弟都唔个挂画又好、摆设又好、画卷又好，甚或贴晌墙上嘅和纸……原来好多都喺出自日本国宝级艺术家或老师傅嘅力作 。单单门口以柏树所做嘅招牌，以及巨型木鱼嘅敲饭钟，已经唔喺随意以金钱嚟衡量嘅物品。走进内室，有一个主大厅，其实都只喺摆放咗3张4人枱而已；其次，有一列可以跟师傅直接交流嘅吧位；此外，就有啲4、6人个室，但无论坐边度，客人都显得比较斯文、安静，让人感觉都平和好多，整个空间都渗出一份「禅」气 。由于餐厅主打怀石料理，亦想食材发挥得淋漓尽致，所以，必须预约好让师傅能预备最好嘅食材，而食材都喺不时不食嘅拣手靓货，更喺大部份货源都嚟自日本唔同嘅地方；记得上年初就尝过一餐会席料理，跟怀石料理好相似，两者都讲求精致，无论餐具、食材、上菜次序……都极为讲究，只喺会席偏向少少宴乐形式，食法自由啲，
就连装修都贯彻其低调嘅作风，何解咁讲？要不是店长嘅介绍，真喺艺术盲嘅小弟都唔个挂画又好、摆设又好、画卷又好，甚或贴晌墙上嘅和纸……原来好多都喺出自日本国宝级艺术家或老师傅嘅力作 。单单门口以柏树所做嘅招牌，以及巨型木鱼嘅敲饭钟，已经唔喺随意以金钱嚟衡量嘅物品。
走进内室，有一个主大厅，其实都只喺摆放咗3张4人枱而已；其次，有一列可以跟师傅直接交流嘅吧位；此外，就有啲4、6人个室，但无论坐边度，客人都显得比较斯文、安静，让人感觉都平和好多，整个空间都渗出一份「禅」气 。
由于餐厅主打怀石料理，亦想食材发挥得淋漓尽致，所以，必须预约好让师傅能预备最好嘅食材，而食材都喺不时不食嘅拣手靓货，更喺大部份货源都嚟自日本唔同嘅地方；记得上年初就尝过一餐会席料理，跟怀石料理好相似，两者都讲求精致，无论餐具、食材、上菜次序……都极为讲究，只喺会席偏向少少宴乐形式，食法自由啲，气氛轻松啲，而怀石就较注重礼仪。怀石料理分3个唔同价钱嘅套餐：$2,300、$2,800、$4,000，而小弟今夜所品尝名为「初夏の献立」嘅怀石套餐（$2,800 / 位），以时令日本食材做出10道精致而美味嘅菜式，急不及待，一于立即去片 。
先付け（日本露笋豆腐・长野县岩茸・北海道海胆・露笋・紫苏小花・黑鱼子） 第一道菜上场嘅前菜，无论器皿，抑或卖相，都彰显出一份日本人对做事一丝不苟嘅态度，黑鱼子上放上金箔，平凡嘅豆腐菜式都变得不平凡，睇见咁精致嘅菜式，真喺有啲唔舍得食嘅感觉。青绿色嘅豆腐喺加入咗露笋汁嚟做，既有豆腐嘅滑溜，又有股清新嘅感觉，真有趣；此外，试试将一小口豆腐混和岩茸、海胆及黑鱼子放入口，𠮶一种交融、层次，真喺写出嚟不如等你亲身嚟试。
替え（1.高知县酱油渍鲣鱼・醋渍茗荷・秋葵片；2.蕗卷・蚕豆・爱知县八幡卷・蕃茄） 再上场都喺精致嘅前菜，以小银碟盛载出两组冷盘，有多款小滋味：
第1组嘅鲣鱼酱油渍再加炙烧，入口有两种唔同嘅口感，外皮焦香带脆，肉身味浓带鲜；面头嘅茗荷有啲似海蜇，以醋渍，酸香爽口；秋葵切成薄片，少咗份黏滑感。
第2组嘅蕗卷及八幡卷就最考师傅手势，前者「蕗」外观有啲啲似西芹，取蕗嘅茎部卷住鳀鱼，而后者则以鳗鱼卷住牛蒡丝，的骰好食；蚕豆及蕃茄犹如伴菜，但啲蕃茄BB一物鲜橙已够特别，甜而不酸，惊喜㖞。
煮物椀（青森县赤斑・京都春笋・南瓜・柚子花） 两道冷盘过后，来一客热食暖和一下，煮物椀个涂漆碗亦非普通货色，黑得嚟闪亮无瑕。打开碗盖，内里有赤斑、春笋、南瓜、柚子花，汤头以原条木鱼刨丝慢煮，汤色清彻味香轻怡，好适合初夏品尝；赤斑嫩滑细致，一小撮梅酱有画龙点晴之效，而春笋爽脆无渣，南瓜粉甜绵绵，就连南瓜都专登做到箭尾之形，感受当中要表达嘅意境。
造り（3款季节性刺身） 店长介绍今晚当造嘅刺身喺：右口鱼（非平常常听到嘅左口鱼）、池鱼及鱿鱼，再配上自家制嘅酱油及柚子醋，就连盛器又喺一件赏心悦目嘅陶瓷，碗中仲放上紫苏花及其他装饰，感觉春意盎然。
右口鱼的确少见，睇到刺身透得薄光，师傅嘅刀工就毋庸置疑，右口鱼味道偏淡，沾些微柚子醋较合宜；相反，池鱼嘅鱼味较浓，入口鲜甜；鱿鱼事前细腻地鎅成细纹，食落唔喺预期嘅软腍，而喺黏连嘅口感，非常意外咁得意。顺带一提，芥末喺采用富士山山脚嘅鲜山葵磨成，味道较清而不太呛。
八寸（粽寿司・鹿儿岛蕃薯・枝豆・三文鱼柠檬片・京葱鸭胸） 无论会席家怀石，去到中段总会有一道菜题为「八寸」，会以一只八寸乘八寸嘅大碟盛载，再晌依个时段齐齐祝酒同贺，互相祝福。整个八寸都好丰富，可以讲喺分为3个部份，等小弟逐一解构。
虽然无话明品尝嘅次序，大可按个人喜爱，但以淡至浓似乎喺硬道理，所以，先尝蕃薯、枝豆、三文鱼柠檬片一组。蕃薯粉甜，三文鱼油润，一齐嚟得基本，所以，感觉唔太大。
其后试试粽寿司，绝对喺小弟第一次见，以为中国人先食粽，原来日本都有类似嘅嘢，仲要喺用嚟做寿司，非常有趣、有新鲜感。竹叶内嘅寿司，有薄薄一片右口鱼，就因为右口鱼味淡，好让吸收点竹叶香，虽然竹叶嘅味道唔会好突出，但感觉就不一样，饭粒黏糯带微微醋香，好和谐。
鸭胸属味浓之物，所以，留为后着相对较好，其实鸭胸唔算有咩好特别，不过，配以大葱、自家调和嘅芝麻酱，和风风味尽出。
烧物（和歌山县稚鲇鱼・烧青椒・粟米天妇罗） 烧物以一个壶形嘅钵盛载，真喺同就咁摆一只碟之上感觉好唔同，当中有烧鲇鱼、青椒及粟米天妇罗，鲇鱼大可原条放入口，甘香脆口，而且，又无过干嘅感觉；对比烧青椒无乜特别之下，粟米天妇罗变得份外甜美，此外，脆浆做得薄亦喺好食嘅原因之一。
钵物（长崎县鳗鱼・艾草豆腐）又再喺鳗鱼出场嘅时间，今次以酱油开煮，再衬上一件艾草豆腐，放上萝卜、姜蓉，淋下一份薄茨汁，精美得爱不释手。鳗鱼肉质入口即化，极之软腍；首尝艾草豆腐，一朕朕艾草嘅味道，犹如草青，OK小弟接受到，但友人觉得怪怪，所以，味道嘅嘢都喺讲个人口味。
ご饭（爱知县鳗鱼茶渍饭） 道道菜式都的的骰骰怕唔够饱，加一道茶渍饭相信唔使担心。以鳗鱼、鱼肝所做嘅茶渍饭，再配以几款腌菜，喺一道暖胃嘅饭品，不过，加入少少山椒，如花椒带麻嘅感觉，就唔喺小弟好喜欢嘅味道，虽然跑了十多年重庆，还是唔多钟意花椒嘅感觉。
菓子（黑糖葛粉糕） 甜品嘅时间到，一丛绿叶包住，究竟会喺乜？原来喺以黑糖及葛粉制成嘅糕点，口感有点似年糕，但柔韧而无咁黏，黑糖嘅味道纯厚而清甜，配一口抹茶，细味当中甜与甘嘅交织，喺一份体会。
水物（宫崎芒果・日本蓝莓雪葩） 甜品后仲有一道水果，全部都喺日本直送，芒果甜度未算好厉害，但有一股芒果浓郁嘅清香，至于将鲜蓝莓做成雪葩，味道天然，入口凉快，完美咁结束依餐饭。题外话，若非店员介绍，依一只睇起嚟简单嘅灰碟，却大有来头，喺日本九州嘅有田烧，睇嚟粗糙，实质平滑，全球只有200只。
首尝怀石料理，小弟抱着小学鸡心态嚟见识，好多食材莫讲话未见过，真喺闻所未闻，用心学，更用心尝，以拍案叫绝嚟形容今晚餐饭，也绝不为过。字里行间，描绘到嘅都尽量写出自己领略到嘅味道，可能有好多嘢写得不足，甚或有所错漏，所以，请多多指教 。
张贴
