影片
更多
2022-01-02
3844 浏览
件事系大概一两个星期前发生，原本无谂住写但真系愈谂愈嬲，所以写我第一篇食评，希望如果香叶湾管理层睇下麻烦正视一下。话说当日我同一班同事大概1点45分黎到门口，个短头发阿姐(印象中系啡色头发) 已经好恶咁话”系咪食下午茶架!? 下午茶唔入得住！一定要2点正！“ ，跟住再加多句”你地是但一个叫左午餐都唔可以叫下午茶！”第一其实入面有好多位，我唔明白点解一定要2点正先俾我哋入，难道2点正会有一大堆人冲入去食？anyway ok 呢个系你公司policy既问题，我地可以企系出面等到够钟。第二阿姐我地都话等下午茶先入食下午茶啰！你又做咩要呼呼喝喝呢？唔讲我以为我地依家乞你食下午茶呀大佬？Anyway 都已经开始嬲嬲地。重头戏黎啦。有另一位员工好好心咁见我地系门口等话”要等多阵呀唔入得住唔好意思”但因为仲有几分钟就够钟，佢就好好咁就想换左出面个大牌讲俾我地睇下拣下食咩先。正当佢想换个牌之际呢个啡色短发既女人就好似发左癫咁冲出黎破口大骂” 你做咩想换个牌呀！都未够钟！” 之后员工就话其实得返几分钟啫咪俾客人睇下食咩啰？，之后个短发女人就好大声咁话”俾咩佢地睇呀！佢地要睇咪去揭下放系门口个细餐牌啰！边
话说当日我同一班同事大概1点45分黎到门口，个短头发阿姐(印象中系啡色头发) 已经好恶咁话”系咪食下午茶架!? 下午茶唔入得住！一定要2点正！“ ，跟住再加多句”你地是但一个叫左午餐都唔可以叫下午茶！”
第一其实入面有好多位，我唔明白点解一定要2点正先俾我哋入，难道2点正会有一大堆人冲入去食？anyway ok 呢个系你公司policy既问题，我地可以企系出面等到够钟。
第二阿姐我地都话等下午茶先入食下午茶啰！你又做咩要呼呼喝喝呢？唔讲我以为我地依家乞你食下午茶呀大佬？
Anyway 都已经开始嬲嬲地。重头戏黎啦。
有另一位员工好好心咁见我地系门口等话”要等多阵呀唔入得住唔好意思”但因为仲有几分钟就够钟，佢就好好咁就想换左出面个大牌讲俾我地睇下拣下食咩先。
正当佢想换个牌之际呢个啡色短发既女人就好似发左癫咁冲出黎破口大骂” 你做咩想换个牌呀！都未够钟！” 之后员工就话其实得返几分钟啫咪俾客人睇下食咩啰？，之后个短发女人就好大声咁话”俾咩佢地睇呀！佢地要睇咪去揭下放系门口个细餐牌啰！边个叫你咁多事架？”跟住劲黑面咁望住我地，心谂依家咩事睇下个餐牌啫。。。
其实讲真野食绝对唔称得上好食不过都未至于难食，个呢个短发既女人员工就真系真心赶客，一d良好既服务态度都无。而另一位好心又care 客人既反而俾呢位阿姐怒骂。你地入面点管理员工唔关我事，但搬出黎系d客面前发癫闹人就真系好核突。管理层如见到post 真系麻烦你地检讨下:
1. 下午茶2点先俾人入座既问题，如果一个叫午餐一个都不能叫下午茶问题，同埋差几分钟都不能转餐牌呢d咁唔flexible 既arrangement.
2. 员工态度问题(尤其系呢位啡头短发阿姐), 唔系话位位员工待人接客都有问题，但系有一两个都已经够晒赶客。。。
总之食到一肚气，讲完。
张贴