泉章居 (已結業)

细细个爸爸已经钟意带我地食铜锣湾利舞台对面间旧舖，以前细个唔钟意因为又旧又食中菜。大个左反而对中菜有兴趣。圣诞节旺角行完街经过就入去食啦!可能过左食饭时间，完全唔驶等位，1入就有位上楼上。估唔到圣诞旺季仲有套餐，唔贵，2人餐$278有1汤3𩠌。例汤 ~ 红萝卜排骨汤，好足料，足有6碗第一样𩠌 ~ 鸡。 第一味2款鸡或海上鲜，3选1，我地要左佢嘅招牌𩠌，鸡，好肥美，好食第二及三样𩠌~咕噜肉同鼓椒蒸大鳝。第二及三样𩠌可以喺近30款(exactly几多款唔太记得)选2样，有菜，有豆腐，有鱼，有肉。我地选左咕噜肉同鼓椒蒸大鳝。咕噜肉脆嘅，菠萝都好甜，又系好食。蒸大鳝好少喺街食只会喺娘家爸爸煮，好肥少骨，不过2个人食1条有啲腻，太多啦。套餐系唔包白饭嘅，要另外叫，$10碗。好彩我地只叫左1碗，我净饮汤食𩠌都食唔哂。食净鸡同咕噜肉攞番屋企，啲鸡返到屋企仲keep到味道。咕噜肉第二日番炒已粉哂啦…埋单，$330多(套餐278，饭10，菜@6，加一)唔太贵。