影片
更多
2022-08-21
709 浏览
首先要讲一讲真系要喺柯士甸站落车（佐敦站行过去真系几远）柯士甸站A出口系行人隧道，揾到个蓝色路牌写住文汇街，就向个度行番上地面，上地面之后你会望到左边有个Van仔站有唔少车泊喺度，唔使向个边行只要keep住向前行三两分钟就见到，店面太细好易会miss左讲番间店，只有门外两张櫈，bar枱咁样，里面都有两张櫈但冇枱，反而用左一个铁箱当做枱，咁啱入去前有个男仔拣左坐出面，咁我唯有坐低喺入面吧虽然店面细细，但都有唔少轻食供应，女店员亦都好友善，会按客人口味推介不同蛋糕，曲奇，咖啡店内小小嘅柜就已经show晒主要嘅甜点由于店内只有一位咖啡师，一部咖啡机，所以大家要帮衬就可能要比D耐性等等啦，不过我谂帮衬得咖啡嘅都唔介意等阵。除左现金之外，仲有收payme添见有巴斯克芝士蛋糕，仲要有抹茶味拣，即刻二话不说order呢款啦抹茶味足够，蛋糕食落口感都好滑，加上蛋糕面头个D应该似系dark choco，平衡左蛋糕嘅甜味，整体唔错flat white天鹅拉花都好靓，细问之下，原来系由台湾买入嘅咖啡豆，产地来自巴西，偏向 nutty，虽然唔系我饮开嘅fruity但都唔错，入口顺滑最后值得一提嘅系，我专登影低
真系要喺柯士甸站落车（佐敦站行过去真系几远）
柯士甸站A出口系行人隧道，揾到个蓝色路牌写住文汇街，就向个度行番上地面，上地面之后你会望到左边有个Van仔站有唔少车泊喺度，唔使向个边行只要keep住向前行三两分钟就见到，店面太细好易会miss左
讲番间店，只有门外两张櫈，bar枱咁样，里面都有两张櫈但冇枱，反而用左一个铁箱当做枱，咁啱入去前有个男仔拣左坐出面，咁我唯有坐低喺入面吧
虽然店面细细，但都有唔少轻食供应，女店员亦都好友善，会按客人口味推介不同蛋糕，曲奇，咖啡
店内小小嘅柜就已经show晒主要嘅甜点
由于店内只有一位咖啡师，一部咖啡机，所以大家要帮衬就可能要比D耐性等等啦，不过我谂帮衬得咖啡嘅都唔介意等阵。除左现金之外，仲有收payme添
见有巴斯克芝士蛋糕，仲要有抹茶味拣，即刻二话不说order呢款啦
抹茶味足够，蛋糕食落口感都好滑，加上蛋糕面头个D应该似系dark choco，平衡左蛋糕嘅甜味，整体唔错
flat white天鹅拉花都好靓，细问之下，原来系由台湾买入嘅咖啡豆，产地来自巴西，偏向 nutty，虽然唔系我饮开嘅fruity但都唔错，入口顺滑
最后值得一提嘅系，我专登影低呢块纸皮，实在好大嘅提醒，空间有限，谢绝使用手提电脑
享受当下，确实系最好不过嘅四个字，好多时我地都只挂住影相打卡，将杯咖啡都摊到冻晒，浪费左咖啡师嘅心机
最后店员更指出土瓜湾有幢私人楼 启岸 个边都开左间姊妹店，叫做伊间咖啡，揾次去试下佢嘅signature cinnamon roll
张贴
