Hong Korean Chicken (旺角中心第一座) (已結業)

入旺中行见到开咗间新炸鸡店，即刻买咗两款口味过下口瘾，一款系辣酱味，一款系芝士味。先讲下啲酱料，辣酱味普普通通冇乜特别；芝士味奇奇怪怪，芝士味食唔出，但就成阵甜味咁完全唔似食紧芝士鸡。跟住到出晒事嘅鸡肉部分，如图所见，啲肉炸到一丁点水分肉汁都冇，成盒鸡冇一件系多汁嫩滑嘅，嚿嚿都干到好似木乃伊咁，分分钟千年法老王拆返绷带嘅皮肉都仲滑过啲鸡，食完真系差啲啃死，胃都痛埋。结论：食kfc爷爷都好过食呢间，不可一不可再，回头是岸！