影片
更多
2020-01-28
1049 浏览
呢間野長期都見佢排隊，之前見到OpenRice有負評話唔乾淨，所以一直都冇試過，嗰日見咁啱冇咩人就決定試吓啦，同老闆傾傾吓講起呢件事，佢就話佢哋出名注重衛生，覺得係比同行故意寫衰。食完之後，我覺得一定會回頭，因為好抵食，性價比極高，選擇又多，味道又好，甚至平時返工帶飯都幾好，當然我冇肚痛xd 我叫咗個咖喱牛腩飯，入面有薯仔洋蔥仲有好多舊牛腩，佢哋嘅咖喱汁應該放咗椰奶，所以都好香，吾似粉沖既，重點係入邊啲牛腩完全唔in,連我阿媽都食到，個菜飯同菜嘅比例應該係一比一，所以好足料。仲叫咗個口水雞菜飯，因為鍾意食辣，佢呢個口水雞又唔算好辣，啲雞幾滑，佢可以揀有骨定無骨，我就揀咗無骨，份量都多，以呢個價錢來講真係超抵食。你可以揀菜飯/油飯或者白飯，不過感覺菜飯有菜，纖維高啲，所以我揀菜飯。我呢兩個餐有跟湯，是日靚湯係青紅蘿蔔粟米湯，足料，正！
呢間野長期都見佢排隊，之前見到OpenRice有負評話唔乾淨，所以一直都冇試過，嗰日見咁啱冇咩人就決定試吓啦，同老闆傾傾吓講起呢件事，佢就話佢哋出名注重衛生，覺得係比同行故意寫衰。
食完之後，我覺得一定會回頭，因為好抵食，性價比極高，選擇又多，味道又好，甚至平時返工帶飯都幾好，當然我冇肚痛xd
我叫咗個咖喱牛腩飯，入面有薯仔洋蔥仲有好多舊牛腩，佢哋嘅咖喱汁應該放咗椰奶，所以都好香，吾似粉沖既，重點係入邊啲牛腩完全唔in,連我阿媽都食到，個菜飯同菜嘅比例應該係一比一，所以好足料。
仲叫咗個口水雞菜飯，因為鍾意食辣，佢呢個口水雞又唔算好辣，啲雞幾滑，佢可以揀有骨定無骨，我就揀咗無骨，份量都多，以呢個價錢來講真係超抵食。
你可以揀菜飯/油飯或者白飯，不過感覺菜飯有菜，纖維高啲，所以我揀菜飯。我呢兩個餐有跟湯，是日靚湯係青紅蘿蔔粟米湯，足料，正！
张贴
