PB Cafe (已結業)

居住在柴湾区20多年，真系冇乜有水准同价钱合理嘅良心西餐，跟着佢张传单入咗黎试，散叫每道菜已经包舍埋自助沙律吧，$48任食自助沙律吧的确系健康又惊喜，新鲜沙律菜嘅种类配料繁多，红叶生菜，羽衣甘蓝，火箭菜，芥茉水菜⋯等等都不定时提供，鸭胸肉凉拌长通粉，十分醒胃，餐汤蘑菇汤非常浓郁，粒粒蘑菇，口感十足，主菜方面薄饼有点油腻一件起两件止，卡邦尼意粉份量好足，而烧安格斯西冷order 4成感觉好似over，西冷嘅份量比较少，意式蕃茄汁青口意大利面，配搭唔错，美国安格斯芝士汉堡，肉质鲜嫩多汁，心机之作，最后记得食返啲水果balance返，同埋希望主菜可以小油一啲，就更加健康，环境座位方面算系舒适，但唯一美中不足就系冷气不足，一路食一路冒汗，服务方面称心，服务员收碟几有效率，不小心倒泻饮品，迅速连忙清理，和主动询问枱上嘅剩余食物有冇需要帮你包起佢，相当贴心，还有定时增添沙津吧食材和清洁，值得一赞👍🏻