影片
更多
2015-08-23
1699 浏览
今天和朋友一起去了柴湾执拾一下我们迷你仓内的杂物，动手前顺便在高威阁下面，一间出名食猪扒的小店吃午饭。其实这小店我在多年前已试过，他们的猪扒确实是几好味的，而今天我重温了好耐冇食过的咖喱猪扒饭。跟多年前一样，猪扒都是即叫即煮，所以一般上菜都会比较耐一点，而这里因舖位面积比较细，所以很多年前已很前卫地建起"Open Kitchen"，在客人面前煮食，厨师的一举一动全部一清二楚，透明度很高唷！在柜枱俾完钱后，即见到师傅从雪柜里取出一块约6寸长的猪扒放入炸炉炸熟，而在一旁就起镬炒香少许洋葱，跟著将事先预备好的咖喱胆倒入去煮热，加入少许花奶成咖喱汁；最后将炸得酥脆的猪扒切件，加上一大壳咖喱汁淋上白饭上，完成。以上动作全程由一位师傅包办，记住佢每次并唔系只预备一碟，而是3，5，7碟，仍能驾轻就熟，好功夫！咖喱猪扒饭端到上来，虽然没有一般咖喱一上枱的那种香喷喷，相反地胜在够温和，突显咗猪扒的酥香，让人一见就想试番啖先！相隔了咁多年，猪扒的质素和份量并没有因物价上升而改变，仍然都是一碟饭跟一块大猪扒，猪扒腌得入味，炸得微焦松软刚刚好，配上微微偏甜的咖喱汁，异常地匹配；值得一提嘅系佢哋转用咗类似珍珠米
今天和朋友一起去了柴湾执拾一下我们迷你仓内的杂物，动手前顺便在高威阁下面，一间出名食猪扒的小店吃午饭。其实这小店我在多年前已试过，他们的猪扒确实是几好味的，而今天我重温了好耐冇食过的咖喱猪扒饭。跟多年前一样，猪扒都是即叫即煮，所以一般上菜都会比较耐一点，而这里因舖位面积比较细，所以很多年前已很前卫地建起"Open Kitchen"，在客人面前煮食，厨师的一举一动全部一清二楚，透明度很高唷！在柜枱俾完钱后，即见到师傅从雪柜里取出一块约6寸长的猪扒放入炸炉炸熟，而在一旁就起镬炒香少许洋葱，跟著将事先预备好的咖喱胆倒入去煮热，加入少许花奶成咖喱汁；最后将炸得酥脆的猪扒切件，加上一大壳咖喱汁淋上白饭上，完成。以上动作全程由一位师傅包办，记住佢每次并唔系只预备一碟，而是3，5，7碟，仍能驾轻就熟，好功夫！
咖喱猪扒饭端到上来，虽然没有一般咖喱一上枱的那种香喷喷，相反地胜在够温和，突显咗猪扒的酥香，让人一见就想试番啖先！相隔了咁多年，猪扒的质素和份量并没有因物价上升而改变，仍然都是一碟饭跟一块大猪扒，猪扒腌得入味，炸得微焦松软刚刚好，配上微微偏甜的咖喱汁，异常地匹配；值得一提嘅系佢哋转用咗类似珍珠米/蓬莱米煮饭，用来拌咖喱汁同吃，真的好味非常，我和朋友转眼已食哂成碟饭，汁都捞埋！除咗猪扒饭好食之余，呢度有一样嘢都几特别，就系招呼！虽然帮衬得小店，都预咗系大排档自助形式冇特别好嘅service，但作为顾客，亦不至于要被呼呼喝喝吧！我哋一坐低想叫嘢，那位坐阵的女士已大嗌“叫嘢埋嚟俾钱呀！”，我唔系好明，佢铺位已经窄，人客出入系唔方便嘅，更何况佢全间舖只有4-5张枱，已包埋摆咗出路边的两张枱，而当时是下午茶时段，只有3，4位顾客，唔会忙…加上佢并没有快餐店式的收银机，只是人手计数俾钱，点解唔可以出嚟收钱，而一定要客人相就呢？……但唔紧要，每间公司有自家营运规矩，我会尊重！但当我付出媲美湾仔中环嘅价钱，$43喺柴湾食一碟饭，我后加套餐价$10一杯冻柠茶（即是连冻饮$53）都同我讲“下次叫嘢食时要叫埋，唔可以后加！”……佢嘅语气系十分唔礼貌果只，我真系觉得有点儿过分！讲真，就算好味到像那些几廿年老店，美味只此一间，相信都不至于咁嘅态度，更何况此店的猪扒虽然好味，但未至于唔食唔得……好似刘德华所讲“今时今日咁嘅服务态度系唔够嘅”，作为消费者，我没有回应，只有选择下次唔会帮衬，愿佢自求多福。
今日的食评带有一点点的自我情绪，希望各位唔好介意？！持平的说句，此店出品算是好味有水准的，虽然唔系咁特别，地点亦唔系太方便，但如果大家经过的话都系值得一试嘅。
张贴
