營豐海南雞專門店 (柴灣道)

营业中

休息中

营丰海南鸡饭专门店喺柴湾开咗一排，有时经过都见到好多人排队买饭盒，老公都买过嚟食，但系我就未试过。今晚得我同囡囡喺屋企懒煮饭，就落街买海南鸡饭加一块煎猪扒。六点行到舖头，已经要排队，好彩排几个就可以落单，大约等5至10分钟就攞到外卖。外卖店门口个易拉架，见到原来午饭时候，呢度一个饭先30蚊，真系好抵，下次晏昼唔知食乜，又可以嚟买个饭盒。返到屋企个饭盒仲系热辣辣，去骨海南鸡饭仲会送一碗例汤或者一罐汽水，我就拣咗汤，系红青萝卜汤。味道唔错，清清地。去骨海南鸡真系好滑，有惊喜，而且鸡味浓郁， 真心唔错。油饭分量好多，够晒同囡囡一齐分，而且黄姜味好香。煎猪扒香口唔会太干，好juicy，送饭食唔错，下次再嚟买半只海南鸡加𩠌。