小食糖 (已結業)

之前去过观塘用校园作为主题嘅小时光。知道佢喺尖沙咀开左间姐妹店，就谂住黎试下。星期日中午1点黎到，大把位坐。餐厅采用self-service形式，揾位、落单、攞菜都系自己黎。一坐底，发现间餐厅除左系以校园作为主题外，四周围都摆满好多长颈鹿嘅野，见隔离台都疯狂咁影。睇menu上面嘅野，其实唔算好多野拣，主食几乎全部都系面，饭嘅话净系得卤肉饭拣。我地三个人就叫左两个面同埋一啲小食share。分别叫左红烧牛肉面、卤排骨汤面、炸花枝丸、香酥鸡块同埋炸甜不辣。佢啲面其实就一般般，觉得煮得淋左少少同埋分量唔系好多。卤排骨汤面就唔系咁推荐点，觉得排骨无咩味道，唔系几好食。再搭配埋个汤面就劲清淡。反而啲小食仲好味过主食。个香酥鸡块其实系鸡排，都炸得几酥脆。我个人都ok，不过个fd就觉得dry左少少。同埋依个分量要$50就有啲贵。花枝丸都有7-8粒，普普通通，不过因为本身加左啲辣椒粉，所以都有少少辣。至于个甜不辣，其实好似鱼糕咁，几好味，推荐可以试下。整体黎讲野食就麻麻，性价比一般。不过胜在个环境几特别，啲布置都好有心思。同埋可以坐好耐，同fd吹下水咁。