Times Coffee

营业中

休息中

今晚同朋友去APM行街，朋友介绍呢间小Cafe，入边嘅布置都好中学时代，青春嘅感觉，枱都系有柜桶嘅学生枱，仲有一盏盏嘅云朵灯，成个环境都好有心机，好啱打卡！🥗高纤健康包含左烟三文鱼牛油果酱吐司、蓝莓Yogurt、沙律菜、牛油果、炒蛋。成份好似全日早餐，好丰富，最欣赏佢嘅黑松露炒蛋，非常滑嫩，而牛油果酱都好特别，想食健康啲可以一试！🍧焦糖布甸草莓冰呢个甜品好惊喜，草莓冰非常幼滑，而且草莓份量非常多，冰上嘅cream都好细滑，又唔会过钱， cream里面仲有一粒粒脆脆，夹埋冰入口，成个口感层次好丰富。而最有心最抵系有布甸，当冰加布甸一齐放入口，系好好味，又唔会过甜！🍹抹茶雪糕豆花豆浆抹茶雪糕浓郁，恰到好处的甜度，而豆花Q弹滑嫩，入口即化，成杯饮品好夹！🍹玄米茶鲜奶玄米茶加鲜奶好夹，鲜奶平衡番玄米茶嘅苦涩感，健康又好饮！