通達食店

营业中

休息中

行行下街有D肚饿㖞，之前听见妈咪话想食栥饭，经过通达就问佢买个黎食好唔好，所以就入左去买左个栥饭啦。估唔到呢间通达都仲有唔少人帮衬㖞，因为之前食过觉得其实麻麻地。栥饭$11都几贵下，因为其实D原材料真系好平，不过想食都算啦，买既时候要求佢帮我地切开一半，小姐都欣然说好。佢个栥饭真系好热辣辣，热到唔可以即刻食，要等一等先。不过天气咁冻，好快就啱食啦。糯米烟靱，不过佢感觉唔系好黏咁，即系有DD爽既感觉，有D奇怪... 味道系OK的，没有特别，炸菜真系好咸不过好惹味。最大问题系油炸鬼，一D都唔脆，好淋，相信如果佢脆D会好食好多好多。填饱肚子又继续行街了......。