爹哋雞蛋仔

营业中

休息中

今日经过gateway，发呢间舖头几多野选择，咁啱都几肚饿就去帮衬啦。今次买咗开心果格仔饼、开心果麻糬鸡蛋仔、港式奶茶同埋冲绳黑糖珍珠奶茶。佢哋有个好大嘅玻璃窗，可以清楚睇到鸡蛋仔同格仔饼嘅制作过程。嘢食即整，大约等咗15分钟就有得食啦。开心果鸡蛋仔，每一粒都有麻糬同开心果粒，食落去都几脆身但系开心果味就唔系好够， $38唔算好抵，反而开心果格仔饼就唔同啦，好浓嘅开心果酱同开心果碎做馅，而且一啲都唔甜，真系好抵食！嘢饮就普普通通，港式奶茶并唔系平时饮嘅味道，而系近似台式奶茶嘅味道，钟意饮港式奶茶嘅就会失望啦。冲绳黑糖珍珠奶茶普普通通，黑糖味唔够浓，不过珍珠都尚算烟靭，但系呢个价钱就有少少贵。如果帮衬嘅话会推介鸡蛋仔同埋格仔饼，嘢饮就唔使特别试。