CURATOR Art & Café (已結業)

今日趁住放假约咗朋友去尖沙咀行街睇戏,喺k11 musea睇完戏谂住喺附近揾啲嘢食,朋友带咗佢去一间好特别,好有格调嘅西餐厅。Curator Art & Cafe , 餐厅装修得好有格调,天花板灯光会转变颜色,坐位空间感好足够,光猛整洁感觉真系好舒适。橄榄油炒墨鱼汁意粉配带子,第一次食墨汁意粉,估唔到普通意粉更加香口,加上意粉煮到啱啱好,烟烟韧韧口感弹牙,鲜带子有五粒每一粒都好厚身, 煎香咗嘅带子入口鲜甜,口感嫩滑,配上墨鱼汁意粉将两个鲜味带出,味道好有层次, 最钟意佢就系加咗啲蒜片,多一份蒜香味道。几种味道佢夹埋一齐真系配搭得啱啱好,真系做到色香味俱全。香煎慢煮三文鱼扒,三文鱼扒外皮煎到好香脆,入口有少少咸香口感脆卜卜,三文鱼肉肉质嫩滑入口仲要好juicy,加上有少少鱼油脂肪,味道特别香口惹味,食落去一啲都唔会油腻,越食越开胃,配上旁边嘅蒜香忌廉汁,令到三文鱼嘅鲜味更加突出。旁边嘅三文鱼子增添口感同鲜味。