唐宮小聚 (荃新天地)

营业中

休息中

呢间餐厅装修好有风格，而且新净，坐得舒服，而菜式味道甚佳，而且价钱唔贵，值得推介。陈酿醉蟹： 蒸大闸蟹就食得多，但醉酿冻食就第一次。虽说酒酿，但只是淡淡酒香，蟹羔好口感，值得一试。大肚婆炒饭：有2种米炒成，配以多种配料，如菜粒，蟹肉，小粟米粒等等。饭干身，有咬口，味道适中，加上有4只爽口大虾，比较有惊喜食一个比想像中好食既炒饭。冰镇咕噜： 多脆又冰凉，但内质鲜嫩而暖身。配以蜜瓜，菠萝同三色椒，视觉效果好，而味道丰富。酸甜酱调得刚刚好。黑金流沙： 同一般流沙包一样，但换上黑金色，型格外表，流沙做得好好，唔太杰，又唔太水，甜度适中，包松软。脆虾多士： 多士入口即溶，又好脆，虾爽口，口感好好。非常山竹：就咁听个名唔知系乜，我觉得似咸水角既皮，内里换了芝士龙虾肉既涵，但系咪龙虾就唔肯定。个丁系朱古力条，所以整个非常山竹真系非常特别，要试一试。服务正常，上菜速度快，但有限时90分钟。仲有好多特式菜，可食几次。3大1细，唔使500埋单。得意小猪：系一个布丁，只是做成猪的形状，味道正常。