Steak Bar (已結業)

讲起兰桂芳实系谂饮嘢，点知原来行上啲有咁多嘢食。黎到steakbar,门口装修别树一格， 原来餐厅分上下两层 楼上楼下都有吧台位置， 啱晒钟意饮酒嘅朋友。三个人各自嗌咗三个set， 安格斯西冷牛扒，吉列炸牛扒同埋羊扒。十分钟唔使三个餐都已经送到。 炸吉列牛扒 要等铁板上嘅牛油溶晒先放上去， 块肉一放上铁板度已经jaaaa一声， 煎香肉𠮶边就食得， 配埋每个定食铺上满满嘅紫菜嘅白饭， 真系一流。 用石板煎完嘅牛扒香气满泻， 外脆内林， 虽然牛味唔算太重， 但系好香口， 对比传统煎牛扒系一个新嘅食法。安格斯西冷牛扒记得嗌五成左右， 唔好太熟， 上枱时先得啱啱好，又有肉汁， 配埋牛扒上嘅干蒜片， 更可以带出牛扒既肉味。羊扒份量唔算多， 煎得火喉亦都啱啱好， 唔会有羊骚味。 配埋份量足够嘅紫菜肉松白饭， 绝对令你走嘅时候 有饱饱嘅满足感。和风紫菜薯条算系有少少惊喜， 唔似麦当劳用嘅紫菜粉包， 每条薯条上面都有足够嘅紫菜， 用嚟送啤酒一流。总括而言喺中环地段里面， 绝对系价格合理，而性价比又高嘅餐厅。