Tapa Room (已結業)

老公放假一家出去尖沙咀行街买嘢，知道Tapa room 而家连尖沙咀都有分店，当然要去品尝下😍一出电梯🛗就见到超靓打卡位！即刻影相先～Tapa room好啱朋友聚会嚟食，因为环境靓，又多唔同款嘅小食，每人拣一两款，一齐开心share，原来最近又加咗新款，分别系：海胆汁墨鱼汁烧蚝、煎𩽾𩾌鱼肝配罗勒些利酒醋渍汁、柑橘果汁浸渍珍宝北海道带子。烧蚝外脆内软，海胆汁同墨鱼汁都好鲜香！𩽾𩾌鱼肝我系第一次食，鱼香味未食已经嗅到，诺诺好钟意食😋我就好欣赏呢个靓靓带子小食，加咗食用花点缀，颜色好缤纷，味道清新，少少酸酸地好开胃，女仔都应该钟意❤️另外我哋仲叫咗羊肉串，羊肉调味得好合宜，惹味又唔会咸。主菜我哋叫咗西班牙海鲜锅饭同黑毛猪鞍架，西班牙海鲜锅饭有足足三只大虾，重有好多海鲜，十分足料，饭粒吸满海鲜汁，而且粒粒都有咬口，好好味！黑毛猪鞍经慢煮，肉味浓郁肉感依然软绵，炸薯粒依然咁好味👍🏻我order嘅青瓜特饮味道好Fresh,同今餐 #西班牙菜 好夹，每食完一个菜饮两啖都好似净化口腔咁，推荐比大家