原居民 (已結業)

今日同女性朋友食饭，听同事讲佐敦有一间餐厅情调环境几好，而且食物都好好味，最重要系又唔系好贵，咁一于去试下。同女性朋友食饭，紧系会book 定位，做定凖备，大约几日前book 位都冇问题，都可以book 到。去到餐厅，餐厅既格调果然唔错，而每日既menu 都唔同，所以佢每日都会更新个黑板。餐单每日不同，最主要嘅原因系睇吓边种食材较为新鲜，再决定餐单，所以餐单上嘅食物都有质量嘅保证，保证新鲜。Nachos 呢个又香又脆嘅芝士粟米片，非常香口，配埋个salsa 酱，更加开胃，做前菜一流凯撒沙律呢个凯撒沙律个酱比较一般嘅凯撤沙律酱胃酸，不过我几钟意，因为咁样更加开胃，而且所有沙律菜都好新鲜，加上有面包碎干有啲咬口，正香煎法国鲈鱼日本带子皇虎虾伴龙虾汁呢个鲈鱼非常之滑同埋鲜甜，我平时都好钟意食鱼，条鱼都煎得好香，鱼皮脆脆地，日本带子㖞好大粒，而且非常弹牙，好有口感，虎虾就大大只，亦都好弹牙，呢一碟海鲜非常抵食，全部海鲜都好高质，非常值得一赞！最重要系我个女性朋友都非常满意呢一间餐厅，情人节如果可以再带佢嚟就好啦！good luck！