Chef's Stage Kitchen (愉景新城) (已結業)

这里环境布置都有些心思， 环境十分舒服，先来两杯特色饮品，班兰菠萝特饮 值得推介，班兰奶香配上微酸嘅菠萝，入口感觉多重层次!西餐菜多肉少，要补充纤维多数都会选择沙律，超级食物羽衣甘蓝高纤低卡路里食，点食都不会造成血糖上升，不过纤维太高斋食好似牛食草咁，用返爽口既罗马生菜衬托，感觉良好，虽然系沙律，但又有糖心蛋、香草嫩鸡胸、烟肉、封干巴马火腿，食完都饱咗一半。系台湾饮过蚬精，同滴鸡精相近，总之就系好多既蚬煮出一碗蚬汤，而chef stage既蚬肉偏意粉就每一口都有蚬精挂住意粉既口感，香浓蚬味令人回味，第一次食完意粉先夹啲蚬去食，当然蚬肉都好出色，厚肉冇沙又唔会烟靭到食香口胶咁。头两碟都咁足料，其实都九成饱，不过粉红猪鞍一上枱，个胃又多咗啲位，尤其食到侧边烧到香脆既脂肪，满口油脂爆发，而家谂返都流紧口水。