影片
更多
2015-05-17
2356 浏览
人到咁上下年纪，就钟意怀旧吓，咩都会想当年，怀旧一番。食嘢都喺，总会时不时想起旧时嘅味道 。今晚跟前辈嚟到千禧新世界香港酒店嘅桃里（前身叫桃李），一尝多道怀旧粤菜，喺一份细味，又喺一份回忆 。餐厅位处酒店二楼，环境比较幽静，然而，装修雅致，有份古朴盎然嘅味道；有一边窗口位对着维港景色，景观自不然比起坐里面优胜，亦喺大多数客人嘅首选 。是晚菜式丰富，唔计甜品，一共安排了12道菜，除咗几道蔬菜外，全部都喺怀旧菜式，当中仲有唔少喺手功菜。故此，未食睇见都兴奋！顺道一讲，茶芥每位收$20，另加一服务费，但处身酒店内嘅中菜厅，好服务亦喺享受之一。 腰果、花生静待上菜之时，一边彼此交谈，一边食吓腰果、花生，再饮啖茶，感觉一派悠然。 韭皇陈皮花胶鸭丝羹 $98 / 位 广东人都喺钟意饮汤，所以，第一道登场喺一道汤羹。韭皇陈皮花胶鸭丝羹，将陈皮、花胶、鸭丝，以及笋丝，样样都切得好幼细，汤底非常清甜，又渗有淡淡陈皮香，口感十足。 桂花蜜黑豚肉叉烧 $218 叉烧真喺无可代替嘅本土地道美食之一，不过，时间变迁，不断求进步，所以，叉烧用上黑豚肉，又以桂花蜜取代普通麦芽糖，但手艺依然不
餐厅位处酒店二楼，环境比较幽静，然而，装修雅致，有份古朴盎然嘅味道；有一边窗口位对着维港景色，景观自不然比起坐里面优胜，亦喺大多数客人嘅首选 。
是晚菜式丰富，唔计甜品，一共安排了12道菜，除咗几道蔬菜外，全部都喺怀旧菜式，当中仲有唔少喺手功菜。故此，未食睇见都兴奋！顺道一讲，茶芥每位收$20，另加一服务费，但处身酒店内嘅中菜厅，好服务亦喺享受之一。
腰果、花生静待上菜之时，一边彼此交谈，一边食吓腰果、花生，再饮啖茶，感觉一派悠然。
韭皇陈皮花胶鸭丝羹 $98 / 位 广东人都喺钟意饮汤，所以，第一道登场喺一道汤羹。韭皇陈皮花胶鸭丝羹，将陈皮、花胶、鸭丝，以及笋丝，样样都切得好幼细，汤底非常清甜，又渗有淡淡陈皮香，口感十足。
韭皇陈皮花胶鸭丝羹
$98
152 浏览
0 赞好
0 留言
桂花蜜黑豚肉叉烧 $218 叉烧真喺无可代替嘅本土地道美食之一，不过，时间变迁，不断求进步，所以，叉烧用上黑豚肉，又以桂花蜜取代普通麦芽糖，但手艺依然不变。叉烧入口松化，清甜而多朕淡淡嘅桂花香，拣正嚿有㶶边位，就多添几分炭火焦香 。
桂花蜜黑豚肉叉烧
$218
122 浏览
0 赞好
0 留言
绝对喺怀旧菜嘅邪恶象征，由于健康前提下，越嚟越少店会做，今晚重遇真有种久别重逢嘅感觉。薄薄嘅肥猪肉，鸡肝，薄片叉烧所组成嘅邪恶三雄，虽然眼见好肥，但食落又唔喺咁油腻，而鸡肝够粉香。老式食法喺无底面两层饼皮，依家咁样叫喺自我感觉好啲，哈哈！
香烧金钱鸡
71 浏览
0 赞好
0 留言
香烧金钱鸡
73 浏览
0 赞好
0 留言
香烧金钱鸡
94 浏览
0 赞好
0 留言
豉椒小炒向来都喺大有市场，无论上酒楼，抑或到大牌档，人人都总爱点一碟，贪佢够惹味，好「送」饭。但炒猪肚尖就较少食到，猪肚尖就喺猪肚嘅尖尖，一嚿猪肚得好细部分喺猪肚尖，咬落好爽，又有少少脆 ，火喉拿捏得好，豉椒味香而惹味，内里有啲咸酸菜，令浓香中有啲酸酸爽爽嘅味道。
豉椒炒猪肚尖
$218
118 浏览
0 赞好
0 留言
梅子砵仔鹅 $198 净喺个砵仔已够古色古香，鹅肉酥香，而且肉质好腍，又带点梅子嘅酸香，就算鹅肉有点肥，一啲都无乜油腻感；下面垫底嘅有唔少芋头，切到细细件，入口好松化，芋味浓，依道砵仔鹅真喺正 。
梅子砵仔鹅
$198
134 浏览
0 赞好
0 留言
蜜烧凤肝伴烧排骨 $148 想返起细细个帮屋企落街斩料嘅回忆，𠮶时最爱就喺烧排骨，买惯买熟，师傅就会醒嚿鸡润我食（即喺鸡肝，啲人迷信成日话「干干」声唔好听、唔吉利）。烧排骨固然烧得好香，鸡肝亦都好绵香。
蜜烧凤肝伴烧排骨
$148
69 浏览
0 赞好
0 留言
怀旧虾多士 $240 一般做虾多士都以虾胶制作，但「桃里」嘅虾多士则用上原只大鲜虾，出嚟嘅效果一样鲜甜弹牙，而多士好酥脆，却喺炸得唔油；最美妙之处在虾中加咗一小丝金华火煺，令鲜甜中有点点咸香，个人就觉得能产生画龙点睛之效 。
怀旧虾多士
$240
102 浏览
0 赞好
0 留言
香烧琵琶鸭 $198 / 半只 米鸭烧得皮脆肉香，外皮实在香脆，鸭肉酥香而富肉汁，唔会烧到「干争争」，而皮肉之间连著一屠薄薄油脂，油香满溢得嚟唔会有油腻感。
香烧琵琶鸭
148 浏览
0 赞好
0 留言
香烧琵琶鸭
79 浏览
0 赞好
0 留言
跟上面嘅豉椒炒猪肚尖好近似，亦喺以前经常晌大牌档会点嘅热门小炒，豉椒、味菜故之然惹味，鹅肠亦都炒得爽弹，不过，论惊喜都喺猪肚尖得我欢心多啲。
豉椒味菜炒鹅肠
$228
141 浏览
0 赞好
0 留言
跟住落嚟嘅两道蔬菜菜式，虽然唔喺咩怀旧菜，但一样做得有水准。西兰花灼得爽口，上面淋上唔少蟹肉，当然最养眼就喺蟹膏，落得一啲无手紧，令到啲西兰花更富鲜香味 。
蟹皇扒西兰花
$308
85 浏览
0 赞好
0 留言
浸苋菜可称得上今晚众多菜式中嘅一道「清泉」，因为以蒜子、金华火腿丝、杞子、竹笙浸伴苋菜，味道恬淡，但仍带有少少咸香，而苋菜则好嫩口，食落无渣。
蒜子腿丝杞子竹笙浸苋菜
$178
69 浏览
0 赞好
0 留言
以位上，并用上鸡公碗，一派怀旧感，勾起小时唔少回忆。最贴心喺豉油、猪油均以小瓶分别呈上，客人可按个人喜好落多落少，而且，两者都煮热过先奉客，令香气更逼人。粗面口感实在，配合埋热辣辣嘅猪油、豉油、猪油渣，以及姜丝、葱丝，简单却喺美味爆灯 。
猪油渣叉烧捞粗面
$48
85 浏览
0 赞好
0 留言
桂花红豆糕、香芒软枕 $47 / 4件 好明显，两者都唔喺怀旧嘅甜点，但都喺店中做得出色嘅甜品。桂花红豆糕清新而带有淡淡桂花香味，红豆又甜又腍，糕感清爽；而香芒软枕内藏大大粒香甜嘅芒果肉，而芒果吉士香滑，糯米皮又软熟，真想食多几件！
桂花红豆糕、香芒软枕
64 浏览
0 赞好
0 留言
既然是喺以怀旧为题，甜品都好应该有一道怀旧款式，热食嘅椰香千层糕，可算代表之一。千层糕口感松软绵绵，既有蛋黄香，又有椰汁香，可谓相得益彰，让人有个超满足嘅结束。
怀旧椰香千层糕
114 浏览
0 赞好
0 留言
席间大家谈到粤菜嘅点滴，尤其讲到怀旧菜就更感触良多，因为，觉得依家越嚟越少人学粤菜，怀旧菜、手功菜更喺卖少见少，觉得卖唔起钱，觉得唔够潮、过气嘢。如果有更多有心人肯承传依份手势，学生多如桃李，将来就有更多人认识到粤菜精髓。
张贴
