名峻會 (莊士倫敦廣場)

营业中

休息中

朋友介绍，有个集食饭，雀局同埋桌球直落既好地方。以为依d地方既餐厅好一般，但唔试过唔知原来咁有质素，绝对可以媲美街外餐厅酒家。依个雀局套餐好抵，出去食4𩠌一汤既价钱都差唔多。但依度可以免5小时起跳打麻雀，食饭都系自己房食，私隐度极高。梅菜蒸肉饼好大碟，厚薄适中，非常多梅菜，肉饼口感弹牙，加埋蒸鱼豉油宁舍香!西兰花炒虾仁 虾仁爽弹大只，西兰花翠绿爽口，调味香而不咸。鱼香茄子煲黎到仲系热辣辣滋滋声，未食已经闻到香气扑鼻，份量多，茄子唔会煮到烂哂，腍得黎保留到茄子口感，肉粒挂哂酱，捞饭一流。食完即刻同d fd讲下次再黎，中意佢够哂private又有好味小菜又有野玩，gathering一流。