影片
更多
2021-09-09
3178 浏览
「桔梗」喺旺角砵兰街独占鳌头，面积超大，占地三层，落地大玻璃嘅门面好吸睛。可惜无论我夜晚定日头嚟，佢都系咁Full House，多人到直头唔接Walk-in客😖。有见及此，我同朋友呢晚就预先订定位，不过去到都系好多人🙈，好多订咗枱嘅人。但好彩店员有齐客人资料，所以入座安排好顺畅。餐厅有好多位，但依然咁满座，证明人气真系超高👏。双人日式套餐👫($528)，桔梗以台湾兴行嘅咖啡小酒馆模式经营，主打台日菜式，另提供各式酒水。呢度食物选择多，但嗌餐就唔使烦，而且感觉仲好丰富添。凉拌毛豆以及三种小菜，四款前菜都唔同颜色🌈，视觉效果缤纷。毛豆以外，几款小食都系开胃菜，腌到酸酸的，但老实讲我就唔系好辨认到佢哋原本系乜食材。炙烤鲔鱼佐芥末蛋黄酱，🐟鲔鱼即系呑拿鱼，鱼片四边炙烧得好均匀，烧过嘅部份特别香，而鱼肉就保持弹性，配合埋芥末蛋黄酱食，非常夹。热炒鱿鱼拌明太子酱，🦑鱿鱼份量多，每块都布满明太子粒粒，脆脆的，几得意。而鱿鱼质感本身亦都唔韧，所以整体算唔错。香葱柠檬味噌猪腩，🐷猪腩片煎得几香，肥瘦适中，但底部有啲软骨就扣咗分。伴旁嘅柠檬汁好出色🍋，带点蜜糖味，加埋双葱食，风味一流。炸鸡与酸甜五味酱，🍗
「桔梗」喺旺角砵兰街独占鳌头，面积超大，占地三层，落地大玻璃嘅门面好吸睛。可惜无论我夜晚定日头嚟，佢都系咁Full House，多人到直头唔接Walk-in客😖。
有见及此，我同朋友呢晚就预先订定位，不过去到都系好多人🙈，好多订咗枱嘅人。但好彩店员有齐客人资料，所以入座安排好顺畅。餐厅有好多位，但依然咁满座，证明人气真系超高👏。
双人日式套餐👫($528)，桔梗以台湾兴行嘅咖啡小酒馆模式经营，主打台日菜式，另提供各式酒水。呢度食物选择多，但嗌餐就唔使烦，而且感觉仲好丰富添。
凉拌毛豆以及三种小菜，四款前菜都唔同颜色🌈，视觉效果缤纷。毛豆以外，几款小食都系开胃菜，腌到酸酸的，但老实讲我就唔系好辨认到佢哋原本系乜食材。
炙烤鲔鱼佐芥末蛋黄酱
57 浏览
0 赞好
0 留言
热炒鱿鱼拌明太子酱
56 浏览
0 赞好
0 留言
香葱柠檬味噌猪腩
46 浏览
0 赞好
0 留言
炸鸡与酸甜五味酱，🍗炸鸡系多样菜式之中最迟送上，估计系因为需时油炸。炸衣又薄又脆，鸡肉甚厚，肉质细嫩，沾上甜酸酱食可解油腻。
茶渍两碗🍚：明太子茶渍饭以及鲑鱼茶渍饭，茶渍饭好大碗，两款口味各有千秋，三文鱼𠮶款较有口感。茶渍汤嘅茶味颇为突出，但上菜时饭已浸于茶汤内，即等如泡饭，令到饭粒过稔过湿。
溏心蛋，🥚伴饭有溏心蛋，一人有一只，开边上，流心效果算系合格啦。
抹茶芝士蛋糕
29 浏览
1 赞好
0 留言
饮品方面，套餐提供多款选择，可拣清酒或茶，惟弹性不足，因为二人都要拣同一样，齐冷齐热😅，幸好我哋一致心仪冻京都抹茶鲜奶。Latte富有奶香，唔会太甜，但就略嫌细杯咗啲。
总括嚟讲，桔梗呢个双人日式套餐一个字形容晒：饱，饱饱饱，味道亦都不俗😉。未帮衬过之前，都听过餐厅评价好坏参半，不过亲身食完后我觉得其实都OK👌。题外话，呢度天台可以食水烟，有兴趣嘅不妨嚟试吓。
张贴
