桻之燒 (已結業)

世间少有良心小店：虽然佢地做埋呢个星期就唔做，但我都想写埋最后既食评作为最后既支持。香烧鸡皮虾胶：虾胶烧果时入面塞左香茅，好香口，外面用鸡皮包住，烧到脆哂，完全无哂鸡脂味，好特别既手工菜。醉鸽：我谂我唔会再食到咁好食嘅醉鸽，食过返唔到转头。宇宙无敌好食生肠：我不嬲都好钟意食街头小食，生肠。但系第一次喺舖头食到咁厚肉地，咁香甜嘅生肠。绝对系全香港最好食嘅生肠，好食过肥姐生肠10倍左右。入咗餐厅就会发现大部份都系食开嘅熟客，气氛非常之好。从来冇喺香港见过一间咁有人情味，服务态度咁好，食品咁高质嘅餐厅。另外，如果你系钟意饮清酒嘅朋友，一定要黎试一试。