鱈卵屋 (已結業)

黎到铜锣湾先醒起今日有游行活动，成街都好多人，不过都冇阻我今日相约朋友睇戏食好西嘅心情😁 系附近戏院睇完盗墓迷城，原来都有啲惊栗，睇到我成场戏都好肉紧，睇完即刻要揾食黎放松下，除咗食好西我真系谂唔到其他更好嘅舒缓心情嘅方法😄（本身为食就真）依家香港地舖租金贵，越来越多餐厅选择做楼上铺，其实我个人无咩特别取向，最紧要系食物卫生、干净企理、厨房通风做得好！鳕卵屋我同朋友都系第一次来，铺头size唔大，但好cozy又坐得舒服👍👍香港好多餐厅而家都分时段制，亦都唔方便坐得耐，反而呢度系约埋三五知己倾计享用美食嘅好地方。👭👬呢度食物质素很好，我哋两个人简单叫咗两个刺身饭、烧银雪鱼、我朋友最爱吃嘅蛋卷、同埋share一个甜品～😋每样野都己有惊喜，特别有几样系坊间未食过😆个饭都可以有几种食法，睇得出餐厅都好有心思去谂出黎，而且刺身都好足料～希望香港会有更加多餐厅可以咁有心思，研创一啲特别好食嘅菜式！呢间餐厅仲有零售去卖一啲鱼子酱嘅产品，不过我都系唔相信自己嘅烹饪技巧，想食明太子嘅话我谂我都系会再嚟鳕卵屋食😜🤗