梅光軒 (登龍街) (已結業)

近日系网上search到呢间舖头，见到呢间拉面好似几吸引，于是就同朋友黎食下。入到舖头见到全场满座，店舖虽小，但环境好整洁，店员亦都招呼周到。坐低唔耐有日式茶，味道清清地，有热有涷，夏天最啱！一般以为米芝连餐厅会好贵，不过呢间价钱贴地啲。首先点咗期间限定嘅沾面，点既时候唔系好个系咩汤底，而面黎既时候，闻到汤底好香浓，入面有红椒丝令辣度增加，同埋有菜让汤变得清甜。最欣赏个猪肉粒，食过好多沾面附嘅肉粒多数好干又无味，但呢个好冧，有肉味。另外汤底跟小匙鲣鱼粒，店员话可根据自己口味增加汤嘅鲜味。味噌海鲜拉面个汤底比想像中清，香味浓郁。面量好足，唔怕唔够饱。拉面嘅经典：酱油拉面。开始发现这间店嘅汤底都系睇落好咸，但食落就完全唔觉油腻。叉烧好好食，唔干，摆入口感觉好冧好香。炙烧五花叉烧拉面，个五花叉烧就真系识食之选，烧焦程度啱啱好，俾多几块就好，哈哈！绿茶蕨饼唔太甜，系寒天啫喱，表面沾上了满满既抹茶粉，作为饭后甜品刚刚好，刚好中和头先咸香汤底。下次会再黎试下其他款式既拉面。