津津食店 (已結業)

朋友喺大屿山梅窝行完山， 又攰又渴又肚饿，刚刚好在午饭时间，梗系要揾一餐好嘢食啦，朋友住咗喺梅窝十几年 ，知我对食物有要求，便带我去一间好味街坊小菜，好彩行早一步， 迟五分钟便要排队等位。朋友推介越南春卷捞檬，我叫咗越南春卷拼香茅猪扒双拼捞檬，春卷好脆又香口，浸咗落汁一阵都仍然松脆，越南酸甜鱼露汁好醒胃，少少酸少少辣， 我落咗半碗汁浸住个捞檬，好滋味。我见到隔离枱叫咗一个越南春卷小菜，七十几蚊有六条，我觉得我好精灵，要双拼好抵， 只系加六蚊便有两条春卷。但是猪扒就唔啱我口味，比较瘦、太有口感、干咗啲。蕃茄牛腩汤檬，牛腩有水准， 几林，就算瘦的都不会韧，有半个新鲜番茄，个 蕃茄汁几好味。朋友饮汽水，好多选择，有罐装、 樽装有大支装、细支装，满足不同人嘅需要。最后值得一提，餐厅服务非常好(虽然有好多客)，唔怕我哋麻烦，食完之后，好有耐性，逐个餐同我哋写低价钱，每个party写返总金额，让大家夹钱容易好多，值得一赞。