影片
更多
2020-06-15
675 浏览
生日饭紧系要食好佢，多谢男朋友陪我黎食好西，可惜刚好撞正姨妈黎同我庆祝生日，我将食刺食嘅quota 送咗畀呢杯甜甜地又充满极高梅味嘅 梅酒~于是呢餐食嘅全部都系熟食。本身都系呢到熟客仔，最钟意就系食呢到嘅酒煮蚬 ，清香又鲜甜，一定连汤汁饮埋。另外今次主攻食烧物，青芥末烧生蚝 无得顶，wasabi 沟得几好，浓郁得黎带少少攻鼻，但又唔会抢咗蚝味，生蚝烧完都仲系滑，我下次会再食~另外烧鳝又系正，滑得黎又重鱼香，最后加单再Encore~ 明太子鸡翼当堂比下去，虽然微微地辣无骨入口啖啖肉，但始终无烧鳝咁令人难忘~寿司黎讲就叫左平时食开嘅牛油果软壳蟹 寿司 同吞拿鱼卷寿司。软壳蟹够长又脆，但因为相机无电最后无影到吞拿鱼蓉卷，将吞拿鱼刺身变成鱼蓉，入口即融嘅感觉超正，但我自己就比较钟意佢个吞拿鱼蓉豆腐，真心滑到好似食紧雪糕咁~估唔到梅酒可以咁好饮，好想试下柚子同菠萝酒~
于是呢餐食嘅全部都系熟食。本身都系呢到熟客仔，最钟意就系食呢到嘅酒煮蚬 ，清香又鲜甜，一定连汤汁饮埋。
另外今次主攻食烧物，青芥末烧生蚝 无得顶，wasabi 沟得几好，浓郁得黎带少少攻鼻，但又唔会抢咗蚝味，生蚝烧完都仲系滑，我下次会再食~
另外烧鳝又系正，滑得黎又重鱼香，最后加单再Encore~ 明太子鸡翼当堂比下去，虽然微微地辣无骨入口啖啖肉，但始终无烧鳝咁令人难忘~
寿司黎讲就叫左平时食开嘅牛油果软壳蟹 寿司 同吞拿鱼卷寿司。软壳蟹够长又脆，但因为相机无电最后无影到吞拿鱼蓉卷，将吞拿鱼刺身变成鱼蓉，入口即融嘅感觉超正，但我自己就比较钟意佢个吞拿鱼蓉豆腐，真心滑到好似食紧雪糕咁~
估唔到梅酒可以咁好饮，好想试下柚子同菠萝酒~
张贴
