影片
更多
2014-07-06
713 浏览
今日黎到emax睇辉耀姬首映，现场大会消费满指定金额就有纪念品送，落左地铁，系德福广场就有shuttle bus过emax，架车仲系电动车黎，真系方便又环保。睇完戏谂住食埋晚饭先走，但好多人，都系出返去先食喇。点知唔止emax，德福，淘大一样超长人龙，行左去牛头角个边间谭仔。人唔算太多，一去到有位，不过谭仔你去预左左撘右撘，门口第二张枱，啲热气迫入黎，真系坐到身水身汗。落单啲阿姐又系ok串咀，大热天时燥底吖。细土匪鸡翼，整得刚好肉嫩，味道正常唔觉一口粉，比上次尖沙咀分店好食多了。红油猪耳，份量依旧满满，味道无变，仲系咁好味，辣椒油少少麻又香口，猪耳爽脆，好食。竹笙清汤，竹笙份量好少㖞，爽口吸汤一流，清汤汤底少少咸。炸酱清汤，炸酱都几大碗，味道少少辣又带少少甜，碎猪肉大部分瘦肉多，食落有少少咬口，捞米线好味。简简单单又一餐，不过夏天食米线真系几热，食到一身汗。未起身已叫定客企隔离等位，使唔使咁心急。
今日黎到emax睇辉耀姬首映，现场大会消费满指定金额就有纪念品送，落左地铁，系德福广场就有shuttle bus过emax，架车仲系电动车黎，真系方便又环保。睇完戏谂住食埋晚饭先走，但好多人，都系出返去先食喇。点知唔止emax，德福，淘大一样超长人龙，行左去牛头角个边间谭仔。
人唔算太多，一去到有位，不过谭仔你去预左左撘右撘，门口第二张枱，啲热气迫入黎，真系坐到身水身汗。
落单啲阿姐又系ok串咀，大热天时燥底吖。
细土匪鸡翼，整得刚好肉嫩，味道正常唔觉一口粉，比上次尖沙咀分店好食多了。
红油猪耳，份量依旧满满，味道无变，仲系咁好味，辣椒油少少麻又香口，猪耳爽脆，好食。
竹笙清汤，竹笙份量好少㖞，爽口吸汤一流，清汤汤底少少咸。
炸酱清汤，炸酱都几大碗，味道少少辣又带少少甜，碎猪肉大部分瘦肉多，食落有少少咬口，捞米线好味。简简单单又一餐，不过夏天食米线真系几热，食到一身汗。
未起身已叫定客企隔离等位，使唔使咁心急。
张贴
