影片
更多
2020-08-25
1975 浏览
又到左一个星期一次返奶奶屋企食饭嘅日子🤣今日老公话要出荃湾买卤水鹅我都有少少𢱑头乜嘢卤水鹅咁巴闭呢原来呢间舖头平时都有机会经过不过真系冇乜留意佢😂我哋去到嘅时候大概有八至十个人排紧队不过条队都郁得好快因为大家都系落完单就企喺门口另外一边等老公本来想买卤水鹅片但系发现好似斩只上庄仲抵食啲因为卤水鹅片例牌要$200但系卤水鹅每斤都只不过系$146我哋买咗只上庄断秤都只不过系$167另外仲加咗一份鹅红$23落完单就会有个牌仔俾你然后你就可以企埋一边等啦酱汁系另外有个袋仔绑住好旧式𠮶种风味打开盒 望落卤水鹅都几靓仔皮肉都好易咬开唔会过韧而且又唔会有骚味亦都唔算太肥所以我都有连皮食个卤水汁都几香用嚟捞饭都几送饭至于个鹅红都卤得非常之入味又唔会过老或者煮到泡咗未称得上算好滑但系都几好食咁样加两款𩠌总共$190四个人食仲剩咗少少可以第二日再食😂都算抵食嘅
返奶奶屋企食饭嘅日子🤣
今日老公话要出荃湾买卤水鹅
我都有少少𢱑头
乜嘢卤水鹅咁巴闭呢
原来呢间舖头平时都有机会经过
不过真系冇乜留意佢😂
我哋去到嘅时候大概有八至十个人排紧队不过条队都郁得好快
因为大家都系落完单就企喺门口另外一边等
老公本来想买卤水鹅片但系发现好似斩只上庄仲抵食啲
因为卤水鹅片例牌要$200
但系卤水鹅每斤都只不过系$146
我哋买咗只上庄断秤都只不过系$167
另外仲加咗一份鹅红$23
落完单就会有个牌仔俾你
然后你就可以企埋一边等啦
酱汁系另外有个袋仔绑住好旧式𠮶种风味
打开盒 望落卤水鹅都几靓仔
皮肉都好易咬开唔会过韧
而且又唔会有骚味
亦都唔算太肥
所以我都有连皮食
个卤水汁都几香
用嚟捞饭都几送饭
至于个鹅红都卤得非常之入味又唔会过老或者煮到泡咗
未称得上算好滑
但系都几好食
咁样加两款𩠌总共$190
四个人食仲剩咗少少可以第二日再食😂
都算抵食嘅
张贴
