Coedo Taproom (Fashion Walk) (已結業)

今日又去咗食街𠮶边食晏，散叫要左一个「鳗鱼梳乎厘饭」（$108 ），之前睇食评见过人哋post出嚟就好想试，真系成个梳乎厘咁，仲要用个砵仔嚟装，好得意啊！店员教我食嘅时候先笃开一个窿仔，然后要将呢支蛋白汁倒小小入去，然后搅匀，跟住可以再按喜好加多少少汁黎食，感觉都几得意，里面鳗鱼嘅份量都几多，食到我好饱。另外同事叫咗一个「吉列厚切牛脷饭」（$95），平时好少会见到用吉列嘅方式整牛脷，同事话味道都唔错，牛脷好腍，加埋有其他滑蛋、紫菜、洋葱、杂菇等拌饭，似乎都唔错。