影片
更多
2019-09-27
203 浏览
为庆祝表妹寿辰，XO仔早已约好周二晚收工一齐去铜锣湾Happy Hour。收到风旺角「丸十寿司日本食堂」上周三开始请咗两位可爱嘅客席厨师助阵，由「梳乎大厨」同「XO大厨」配对成「错格组合」，独创出一系列嘅卡通主题菜式，期间仲可以买到限定版精品添，XO迷第一时间就提议𠮶晚饮完头轮欢乐酒酒后转场过海食日本菜，嘻嘻，寿星妹出名顺得人，当然系快速答允啦！小肥以电话订座时提到自己有意购买精品，估唔到接线生友善又有耐性，除咗提醒只会留座十分钟、用餐时间限定为九十分钟之外，仲话大多精品都有足够存货，即使当日换购哂都可以订购，返货后会续一通知食客取货，未食已打下强心针。商场餐厅楼底高高，开扬通爽，右方有个寿司吧，被多个吧位围绕著。最令人兴奋就系见到四周围超型超省镜嘅XO仔同蛋黄哥布置！当中墙上嘅彩色海报及灯笼吊饰自然吸睛。。。不过梁上、玻璃窗上及吧枱边嘅大头公仔都十分抢眼，表妹见表哥失哂态咁疯狂影相，即好风趣地讲咗句：「都唔知系庆祝我生日定你生日啰」，哈哈，一家人又点会计呢？！既然醉翁之意在XO，第一时间就当然系买限定精品啦！其实XO仔早几日前已做定功课，知道产品嘅购买方式有所不同，不过都要多得在场劲
小肥以电话订座时提到自己有意购买精品，估唔到接线生友善又有耐性，除咗提醒只会留座十分钟、用餐时间限定为九十分钟之外，仲话大多精品都有足够存货，即使当日换购哂都可以订购，返货后会续一通知食客取货，未食已打下强心针。
商场餐厅楼底高高，开扬通爽，右方有个寿司吧，被多个吧位围绕著。
最令人兴奋就系见到四周围超型超省镜嘅XO仔同蛋黄哥布置！
当中墙上嘅彩色海报及灯笼吊饰自然吸睛。。。
不过梁上、玻璃窗上及吧枱边嘅大头公仔都十分抢眼，表妹见表哥失哂态咁疯狂影相，即好风趣地讲咗句：「都唔知系庆祝我生日定你生日啰」，哈哈，一家人又点会计呢？！
既然醉翁之意在XO，第一时间就当然系买限定精品啦！其实XO仔早几日前已做定功课，知道产品嘅购买方式有所不同，不过都要多得在场劲好人嘅服务生协助先可以快速血拼！
多款精品中最简单必数靓靓啤酒杯，因只需点选$98嘅「大厨啤酒」，就可以有杯原价$68嘅500毫升七宝札幌生啤，包埋一只全新嘅限定「XO梳乎蛋啤酒杯连杯垫」，亦即$30就买到，仲要任饮任买㖞，绝对超值！七宝札幌生啤冰凉清爽，冇得输呀！
大厨啤酒
$98
33 浏览
2 赞好
0 留言
其余嘅「围裙」（$128）、「餐具套装」（$68）、「彩色环保袋」（$98）、「黑白环保袋」（$108）及「毛巾」（$88）就要先点选一款卡通主题美食，先可以加钱买。
点知𠮶日真系撞正「彩色环保袋」（$98）卖哂，由于袋袋实在太靓，唔买总觉会对自己唔住，唯有第日凭单取货啦！
挂住影偶像，当晚竟然冇影到餐桌上嘅餐具，幸好自己冇断片，仲记得木枱下有个可放随身物嘅大篮，而枱面则摆有自助式筷子、匙羮、牙签、酱油、酱油碟仔、及干湿纸巾，齐备整洁。嘻嘻，唯一有影嘅就系印有错格大厨嘅干纸巾。
特选三色紫菜包（$198）：可能早已抱住一个「好睇唔好食」嘅心态啦，当食第一道卡通主题食物时经已好有惊喜！DIY嘅菜式用上巧薄香脆嘅XO紫菜作外层，另配颜色亮丽、新鲜甜美嘅海胆、吞拿鱼蓉、三文鱼籽作为三色馅料，三色紫菜包集香浓鲜甜嫩脆润滑于一身，掂呀！
特选三色紫菜包
$198
29 浏览
2 赞好
0 留言
XO大厨究极手卷
$138
10 浏览
2 赞好
0 留言
鲔鱼盛合（$168）：圆圆嘅金边拼盘上共有四款、九件嘅吞拿鱼寿司，色泽油润有光泽，每人每款最少有一件。有紫菜包住嘅吞拿鱼卷及吞拿鱼寿司均皮脆肉软嫩，鲜红嘅まぐろ寿司厚润有弹性，粉嫩嘅中卜口寿司慢慢溶于口腔，香软肥美，各有各美味。
鲔鱼盛合
$168
13 浏览
1 赞好
0 留言
温泉玉子伴烧澳洲和牛丼
$148
40 浏览
1 赞好
0 留言
张贴
