影片
更多
2023-01-18
275 浏览
呢间酒吧餐厅灯光昏暗，用咗梵高嘅星月夜做主题，好有艺术氛围🎨，几有情调，而且座位阔落，都坐得舒服！佢啲嘢食西餐为主，仲有一个每日快闪餐牌，每日都会有一啲菜式有优惠价，劲抵食！平日都有二人餐，$428起已经包咗餐汤、小食、两款主菜同甜品，主菜仲要有牛扒，绝对值回票价！佢仲有好多款式嘅Cocktail🥂，叫套餐都可以加钱饮返杯，同朋友聚餐都几啱！------------------------------◖ꜱᴇᴛ ᴅɪɴɴᴇʀ ꜰᴏʀ ᴛᴡᴏ◗ $459🫕/餐汤今次嘅餐汤系粟米汤，可以问佢攞啲黑胡椒简单调味下。个餐汤本身甜甜地，几香但觉得带点点酸味～🍟/牛肉酱芝士薯条有乳酪同埋芝士牛肉酱淋喺薯条上面，薯条同拉丝芝士牛肉酱一齐食，有啲似食紧薯蓉；乳酪酱带少少奶香，食落更加滑，整体味道都几好，但口感就唔太脆。🍝/香辣蕃茄虎虾扁意粉有五大只虎虾，肉质鲜嫩弹牙；香辣蕃茄酱酸酸地辣辣地，几开胃！意粉份量都算多，几挂汁，口感偏硬身。🥩/香煎纽西兰肉眼扒9安士呢个肉眼扒有惊喜，份量一啲都唔少！拣咗七成熟，里面牛肉呈粉红色嘅状态，外面煎得仲有少少焦香嘅味道！牛肉唔韧，肉味香浓，一咬落去满满嘅肉汁，就算唔
------------------------------
◖ꜱᴇᴛ ᴅɪɴɴᴇʀ ꜰᴏʀ ᴛᴡᴏ◗ $459
🫕/餐汤
今次嘅餐汤系粟米汤，可以问佢攞啲黑胡椒简单调味下。个餐汤本身甜甜地，几香但觉得带点点酸味～
🍟/牛肉酱芝士薯条
有乳酪同埋芝士牛肉酱淋喺薯条上面，薯条同拉丝芝士牛肉酱一齐食，有啲似食紧薯蓉；乳酪酱带少少奶香，食落更加滑，整体味道都几好，但口感就唔太脆。
🍝/香辣蕃茄虎虾扁意粉
有五大只虎虾，肉质鲜嫩弹牙；香辣蕃茄酱酸酸地辣辣地，几开胃！意粉份量都算多，几挂汁，口感偏硬身。
🥩/香煎纽西兰肉眼扒9安士
呢个肉眼扒有惊喜，份量一啲都唔少！拣咗七成熟，里面牛肉呈粉红色嘅状态，外面煎得仲有少少焦香嘅味道！牛肉唔韧，肉味香浓，一咬落去满满嘅肉汁，就算唔点佢啲酱都够惹味！仲有啲grill过嘅杂菜伴碟，索晒牛扒嘅肉汁，带点点牛油香！
🍰/是日精选甜品
有四件仔芝士蛋糕，有原味同Oreo味，唔会好甜，细细件食完过瘾得黎又唔会腻！
🌟Encore指数：8/10
张贴
