平成 (已結業)

今日去左尖东站附近食日本野。呢间餐厅有D似传统日本家庭式小店，座位不多，墙上贴满不同品牌日本酒既贴纸，加上木架上一枝枝既日本酒，真系有种以为自己去左日本既感觉。餐牌选择不多，证明小店对食物品质有要求，确保食材新鲜。芥辣八爪鱼冻豆腐：豆味香浓，非常滑溜，芥辣配上日本制酱汁，唔会有攻鼻既感觉，八爪鱼爽口弹牙。盐烧日本五花腩：串烧一定系居酒屋必点，五花腩油脂分布平均，肉质Q弹，烧到黄金焦香，见到都流口水。味噌广岛蚝三重芝士葱蛋饼：成份用铁板上，热辣辣，洒满葱花，切开既时候，仲有拉丝效果，而且蛋香味十足，广岛蚝味道鲜甜，大大只，份量仲唔少。安格斯牛小排寿喜烧：个锅系连埋个火炉一齐上既，铺满安格斯牛在最上面，卖相已经好吸引，寿喜烧配料好多，令成个汁好味到想加碗饭捞黎食。日本生啤而家仲做紧买一送一，梗系要饮番杯，不过因为今日要揸车，所以要一杯轻尝一口吧。整体来说，小店对食物制作态度认真，每样食物都会向我们介绍，水准亦都好高，下次经过一定会再嚟支持下。