上岸料理 (已結業)

契妹要去尖沙咀攞野，急揾小肥契哥帮忙做柴可夫，见酬劳系晚饭食日本野㖞，当然系收咗工即刻赶去啦 ！尖沙咀并非自己地头，泊好车就由契妹带路去咗棉登径一家叫「上岸料理」o既日本餐厅。餐店门面及室内o既装修均以木为主，简洁企理。店内用上大小盆栽及假花装饰 ，感觉健康正面。散座全为合并式二至多人木造枱櫈。点菜由俾钱o既契妹发办，不过大多都系应经理姐姐推介o既菜式 。 前菜（免费赠送）：海哲青瓜爽脆惹味，少辣醒胃 。 北海道生粟米（$40）：姐姐介绍当日啱啱收到北海道新鲜运到o既粟米，属未黎得切写上黑板o既小食，建议生食最正。其实肥肥家族每年都好期待食生粟米，一听到有得食小肥对眼当堂发哂光 。生粟米爽甜又多汁 ，果然冇令人失望。 松叶蟹肉海藻沙律（$34/杯）：透明杯内o既沙律层次分明。垫底o既海藻极为清脆，松叶蟹肉鲜甜幼嫩，份量又足，配上酸甜透光o既柚子醋啫喱食，分外清新开胃，$34一杯真系好超值 ！ 刺身拼盘（$480）：拼盘内含五款刺身，分别为左口鱼薄切、吞拿鱼腩、赤贝、火灸竹签鱼及鱿鱼。左口鱼薄切清香轻盈。鱿鱼烟韧润滑。赤贝爽脆鲜甜。吞拿鱼腩溶于口中，软滑肥美 。火